Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 1 марти соли 2004 №98

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Дар матни қарори Ҳукумати Ҷумҳурии Тоҷикистон аз 1 марти соли 2004 №98 "Дар бораи тартиби фурӯши объектҳои моликияти давлатӣ дар музоядаҳо ва тендерҳо" рақамҳои "2007" ба рақамҳои "2012" иваз карда шаванд.

2) Ба Низомнома оид ба тартиби фурӯши объектҳои моликияти давлатӣ дар музоядаҳо, ки бо қарори Ҳукумати Ҷумҳурии Тоҷикистон аз 1 марти соли 2004 №98 тасдиқ шудааст, тағйиру иловаҳои зерин ворид карда шаванд:

- дар матни Низомнома рақамҳои "2007" ба рақамҳои "2012" иваз карда шаванд;

- дар сархати якуми банди 2 баъди калимаҳои "тасдиқ шудааст", калимаҳои "тибқи қонунгузории ҷорӣ" илова карда шаванд;

- дар банди 8 сархатҳои якум, дуюм, сеюм, чорум пурра хориҷ карда шуда, сархатҳои нав дар таҳрири зерин ифода карда шаванд:

"-корхонаҳои дар замимаҳои 1 ва 2 нишондодашуда ва ҷамъиятҳои саҳомие, ки дар давраи солҳои 2010-2012 таъсис дода мешаванд, дар музоядаи тарзи англисӣ ба андозаи 100 фоиз бо нархи ибтидоӣ тибқи қонунгузории ҷорӣ ба фурӯш гузошта мешаванд;

- корхонаҳои дар замимаҳои 1 ва 2 нишондодашуда ва ҷамъиятҳои саҳомии дар давраи солҳои 2010-2012 таъсисдодашуда, ки дар музоядаи тарзи савдои англисӣ ба фурӯш нарафтаанд, дар муддати 35 рӯзи бонкӣ пас аз рӯзи гузаронидани ин музояда, ба тендери инвеститсионӣ ба андозаи 50 фоиз аз нархи ибтидоии бо тарзи англисӣ ба савдо баровардашуда ба фурӯш гузошта мешаванд.";

- дар сархатҳои якум, дуюм, чоруми банди 21 ва минбаъд калимаҳои "Вазорати даромадҳо ва пардохтҳои давлатии Ҷумҳурии Тоҷикистон", "Вазорати иқтисод ва савдои Ҷумҳурии Тоҷикистон", "Кумитаи давлатии идораи амволи давлатии Ҷумҳурии Тоҷикистон" мутаносибан ба калимаҳои "Кумитаи андози назди Ҳукумати Ҷумҳурии Тоҷикистон", "Вазорати рушди иқтисод ва савдои Ҷумҳурии Тоҷикистон", "Кумитаи давлатии сармоягузорӣ ва идораи амволи давлатии Ҷумҳурии Тоҷикистон" иваз карда шаванд;

- дар сархатҳои якум, дуюм ва сеюми банди 33 рақамҳои "1000, 50 ва 500 доллари ШМА" мутаносибан ба калимаҳои "350, 15 ва 200 нишондиҳанда барои ҳисобҳо" иваз карда шаванд;

- дар банди 55 баъд аз калимаҳои "иштирокчиёни музояда" калимаҳои "дар асоси ҳуҷҷатҳои тасдиқкунанда" илова карда шавад;

- дар банди 83 калимаҳои "дар ҳаҷми дукарата" хориҷ карда шуда, баъди калимаҳои "ба маблағи" калимаҳои "20 фоиз" илова карда шаванд;

- рақамгузории боби ҶV матни русӣ ба рақамгузории боби ҶV матни тоҷикӣ мутбиқ гардонида шавад;

- аз банди 110 калимаҳои "аммо на дертар аз 30 рӯзи бонкӣ аз рӯзи гузаронидани музояда" хориҷ карда шаванд.

3) Ба Низомнома оид ба тартиби фурӯши объектҳои моликияти давлатӣ дар тендерҳо, ки бо қарори Ҳукумати Ҷумҳурии Тоҷикистон аз 1 марти соли 2004 № 98 тасдиқ шудааст, тағйиру иловаҳои зерин ворид карда шаванд:

- дар сархати бисту ҳафтуми банди 1 рақами "2007" ба рақами "2012" иваз карда шавад;

- дар банди 5 сархати нав дар таҳрири зерин илова карда шавад: "пешниҳодоти молиявии иштирокунандагони тендери инвеститсионӣ бояд на кам аз 25 фоизи маблағи аз нархи ибтидоии бо тарзи англисӣ ба савдои музоядавӣ баровардашудаи корхонаро ташкил диҳад.";

- дар бандҳои 43 ва 105 калимаи "рӯз" ба калимаҳои "рӯзи бонкӣ" иваз карда шавад;

- дар банди 49 калимаҳои "ба маблағи як ҳазор доллари ШМА" ба калимаҳои "дар ҳаҷми 350 нишондиҳанда барои ҳисобҳо" иваз карда шаванд;

- аз банди 110 калимаҳои "аммо на барвақтар аз 30 рӯзи бонкӣ аз санаи гузаронидани тендер" хориҷ карда шаванд;

- дар банди 119 баъди калимаи "фурӯшанда" калимаҳои "баъди ду сол" илова карда шаванд.