Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 1 августи соли 2006 №359

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 1 августи соли 2006 № 359 "Дар бораи Классификатори ягонаи умумиҳуқуқии Ҷумҳурии Тоҷикистон ва Манбаи марказонидашудаи иттилооти ҳуқуқӣ" тағйиру иловаҳои зерин ворид карда шаванд:

1) номи қарор дар таҳрири зерин ифода карда шавад:

"Дар бораи Таснифи ягонаи умумиҳуқуқии Ҷумҳурии Тоҷикистон ва Маҳзани мутамаркази иттилооти ҳуқуқӣ";

2) дар матн калимаҳои "Классификатори" ва "Манбаи марказонидашудаи" мутаносибан ба калимаҳои "Таснифи" ва "Маҳзани мутамарказӣ" иваз карда шаванд;

3) дар муқаддима рақами "79" ба рақами " 13" иваз карда шавад;

4) сархати сеюми банди 2 хориҷ карда шавад;

5) банди 5 бо мазмуни зайл илова карда шавад:

"5. Назорати иҷрои қарори мазкур ба зиммаи Вазорати адлияи Ҷумҳурии Тоҷикистон вогузор карда шавад.";

6) ба фасли "0.10. Асосҳои сохтори конститутсионӣ":

- зерфасл дар таҳрири зерин илова карда шавад:

"010.200.100. Ваколатдор оид ба ҳуқуқи инсон";

- зерфасл дар таҳрири зерин илова карда шавад:

"010.180.080. Дигар мақомот (кумитаҳо, комиссияҳо, шӯроҳо, комиссияҳои байниҳукуматӣ";

7) ба фасли "030. Фаъолияти хоҷагидорӣ. Ҳуқуқи тиҷоратӣ" зерфасл дар таҳрири зерин илова карда шавад:

"030.030.010. Фармоиши иҷтимоии давлатӣ";

8) ба фасли "070. Молия ва кредит. Ҳуқуқи андоз. Фаъолияти бонкӣ" зерфасл дар таҳрири зерин илова карда шавад:

"070.180.010. Металҳои қиматбаҳо";

9) ба фасли "190. Тандурустӣ. Тарбияи ҷисмонӣ ва варзиш. Туризм" зерфаслҳо дар таҳрири зерин илова карда шаванд:

"190.010.160. Тибби халқӣ";

"190.010.170. Донор".