Ҳукумати Ҷумҳурии Тоҷикистон

ҚАРОР

Дар бораи тасдиқи Тартиби номгузорӣ ва дигар кардани номи корхонаҳои давлатӣ, истгоҳҳои роҳи оҳан, фурудгоҳҳо, ташкилоту муассисаҳо, таълимгоҳҳо, инчунин объектҳои физикию ҷуғрофӣ

Мутобиқи моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Тартиби номгузорӣ ва дигар кардани номи корхонаҳои давлатӣ, истгоҳҳои роҳи оҳан, фурудгоҳҳо, ташкилоту муассисаҳо, таълимгоҳҳо, инчунин объектҳои физикию ҷуғрофӣ тасдиқ карда шавад (замима мегардад).

2) Аз сархати дуюми банди 2 қарори Ҳукумати Ҷумҳурии Тоҷикистон "Дар бораи таъсиси Комиссияи ҷумҳуриявӣ оид ба номгузории корхонаҳои давлатӣ, ташкилоту муассисаҳо ва абадӣ гардонидани хотираи ходимони илм, маориф ва фарҳанг" аз 2 июли соли 2009 № 392 ва банди 6 Низомномаи Комиссияи чумҳуриявӣ оид ба номгузории корхонаҳои давлатӣ, ташкилоту муассисаҳо ва абадӣ гардонидани хотираи ходимони илм, маориф ва фарҳанг, ки бо қарори Ҳукумати Ҷумхурии Тоҷикистон аз 31 августи соли 2009 № 489 тасдиқ шудааст, калимаи "Низомномаи" хориҷ карда шавад.

3) Қарори Ҳукумати Ҷумҳурии Тоҷикистон аз 30 апрели соли 1996 № 164 "Дар хусуси тасдиқ кардани Низомномаи тартиби номгузорӣ ва дигар кардани номи корхонаҳои давлатӣ, истгоҳҳои роҳи оҳан, фурудгоҳҳо, ташкилоту муассисаҳо, таълимгохҳо, инчунин объектҳои физикию ҷуғрофӣ" аз эътибор соқит дониста шавад.