Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 феврали соли 2000 № 54 "Дар бораи тасдиқи тартиб ва ҳайати комиссия оид ба аккредитатсияи давлатии муассисаҳои илмӣ"

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1) Ба Тартиби аккредитатсияи давлатии муассисаҳои илмӣ, ки бо қарори Ҳукумати Ҷумҳурии Тоҷикистон аз 3 феврали соли 2000 № 54 тасдиқ шудааст, тағйиру иловаҳои зерин ворид карда шаванд:

- сархати дуюми банди 1 дар таҳрири зерин ифода карда шавад:

"Мақсад аз аккредитатсияи давлатии муассисаҳои илмӣ ба тартиб овардани фаъолияти муассисаҳои илмӣ, баланд бардоштани сатҳи таҳқиқоти илмии бунёдиву амалӣ, беҳтар намудани тарбияи кадрҳои баландихтисоси илмӣ ва истифодаи дурусту оқилонаи маблағҳои буҷетӣ мебошад";

- дар сархати якуми банди 9 калимаҳои "Академияи илмҳои кишоварзии Тоҷикистон" ба калимаҳои "академияҳои илмҳои соҳавӣ" иваз карда шаванд;

- аз сархати дуюми банди 9 калимаҳои "шӯъбаи дахлдори" хориҷ карда шаванд.

2) Дар Ҳайати Комиссия доир ба аккредитатсияи давлатии муассисаҳои илмӣ, ки бо қарори Ҳукумати Ҷумҳурии Тоҷикистон аз 3 феврали соли 2000 № 54 тасдиқ шудааст, тағйиру иловаҳои зерин ворид карда шаванд:

- калимаҳои "Раиси Академия" ба калимаҳои "Президенти Академия" иваз карда шаванд;

- аз банди 7 калимаи "Муовини" хориҷ карда шавад;

- дар банди 9 калимаҳои "Раёсати сиёсати илмию техникӣ ва барномаҳои рушди иҷтимоии Вазорати иқтисод ва робитаҳои иқтисодии хориҷии Ҷумҳурии Тоҷикистон" ба калимаҳои "Раёсати рушди соҳаҳои иҷтимоии Вазорати рушди иқтисод ва савдои Ҷумҳурии Тоҷикистон" иваз карда шаванд;

- аз банди 10 калимаи "давлатии" хориҷ карда шавад;

- дар банди 12 калимаҳои "ба номи Қ.Ҷӯраев" ба калимаҳои "ба номи С.Айнӣ" иваз карда шаванд;

- бандҳои 15, 16, 17, 18 бо мазмуни зерин илова карда шаванд:

"15. Ноиби президенти Академияи таҳсилоти Тоҷикистон

16. Академик-котиби Шӯъбаи илмҳои физикаю математика, химия, геология ва техникаи Академияи илмҳои Ҷумҳурии Тоҷикистон

17. Академик-котиби Шӯъбаи илмҳои ҷамъиятшиносии Академияи илмҳои Ҷумҳурии Тоҷикистон

18. Сардори Раёсати илм, таҳсилоти тиббию фарматсевтии Вазорати тандурустии Ҷумҳурии Тоҷикистон".