Ҳукумати Ҷумҳурии Тоҷикистон

ҚАРОР

Дар бораи тасдиқ намудани Барномаи "Беҳбудии фазои соҳибкорӣ - 200 рӯзи ислоҳот"

Бо мақсади содда кардани монеаҳои маъмурӣ ҳангоми оғоз намудани фаъолияти соҳибкорӣ, паст кардани хароҷоти фосилавӣ ва молиявӣ ҳангоми амалӣ намудани фаъолияти соҳибкорӣ ва сармоягузорӣ Ҳукумати Ҷумҳурии Тоҷикистон қарор мекунад:

1) Барномаи "Беҳбудии фазои соҳибкорӣ - 200 рӯзи ислоҳот" ва Нақшаи чорабиниҳо оид ба амалӣ намудани Барномаи "Беҳбудии фазои соҳибкорӣ - 200 рӯзи ислоҳот" тасдиқ карда шаванд (замимаҳои 1 ва 2).

2) Вазорату идораҳои дахлдор оид ба татбиқи Нақшаи чорабиниҳои Барномаи "Беҳбудии фазои соҳибкорӣ - 200 рӯзи ислоҳот" ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҳармоҳа ҳисобот пешниҳод намоянд.

3) Кумитаи давлатии сармоягузорӣ ва идораи амволи давлатии Ҷумҳурии Тоҷикистон оид ба татбиқи Нақшаи чорабиниҳои Барномаи "Беҳбудии фазои соҳибкорӣ - 200 рӯзи ислоҳот" ба Ҳукумати Ҷумҳурии Тоҷикистон ҳармоҳа ҳисоботи ҷамъбастӣ пешниҳод намояд.

4) Кумитаи телевизион ва радиои назди Ҳукумати Ҷумҳурии Тоҷикистон якҷоя бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон оид ба рафти иҷрои чорабиниҳои Барномаи мазкур тавассути воситаҳои ахбори омма маълумот диҳанд.