Ҳукумати Ҷумҳурии Тоҷикистон

ҚАРОР

Дар бораи таъсиси Комиссияи ҷумҳуриявӣ оид ба номгузории корхонаҳои давлатӣ, ташкилоту муассисаҳо ва абадӣ гардонидани хотираи ходимони илм, маориф ва фарҳанг

Мутобиқи моддаи 28 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва бо мақсади абадӣ гардонидани хотираи ходимони илм, маориф ва фарҳанг, Ҳукумати Ҷумҳурии Тоҷикистон қарор мекунад:

1. Комиссияи ҷумҳуриявӣ оид ба номгузории корхонаҳои давлатӣ, ташкилоту муассисаҳо ва абадӣ гардонидани номи ходимони илму маориф ва фарҳанг дар ҳайати зерин таъсис дода шавад:

Роҳбари Дастгоҳи иҷроияи Президенти Ҷумҳурии Тоҷикистон - Раиси Комиссия;

Муовини аввали Роҳбари Дастгоҳи иҷроияи Президенти Ҷумҳурии Тоҷикистон - муовини Раиси Комиссия;

Мушовири давлатии Президенти Ҷумҳурии Тоҷикистон оид ба рушди иҷтимоӣ ва робита бо ҷомеа - муовини Раиси Комиссия;

Мудири шӯъбаи фарҳанги Дастгоҳи иҷроияи Президенти Ҷумҳурии Тоҷикистон - котиби масъули Комиссия.

Аъзои Комиссия:

Вазири молияи Ҷумҳурии Тоҷикистон

Вазири адлияи Ҷумҳурии Тоҷикистон

Вазири фарҳанги Ҷумҳурии Тоҷикистон

Вазири маорифи Ҷумҳурии Тоҷикистон

Вазири нақлиёт ва коммуникатсияи Ҷумҳурии Тоҷикистон

Сардори Раёсати танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон

Мудири шӯъбаи ҳуқуқи Дастгоҳи иҷроияи Президенти Ҷумҳурии Тоҷикистон

Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон

Раиси Кумитаи телевизион ва радиои назди Ҳукумати Ҷумҳурии Тоҷикистон

Директори генералии Агентии заминсозӣ, геодезия ва харитасозии назди Ҳукумати Ҷумҳурии Тоҷикистон

Президенти Академияи илмҳои Ҷумҳурии Тоҷикистон

Раиси Иттифоқи нависандагони Тоҷикистон

Директори Институти шарқшиносӣ ва осори хаттии Академияи илмҳои Ҷумҳурии Тоҷикистон

2. Комиссияи ҷумҳуриявӣ оид ба номгузории корхонаҳои давлатӣ, ташкилоту муассисаҳо ва абадӣ гардонидани номи ходимони илму маориф ва фарҳанг:

- дар мӯҳлати ду моҳ Низомномаи Комиссияро таҳия ва ба Ҳукумати Ҷумҳурии Тоҷикистон пешниҳод намояд;

- дар мӯҳлати се моҳ тибқи тартиби муқарраргардида Тартиби номгузорӣ ва дигар кардани номи корхонаҳои давлатӣ, истгоҳҳои роҳи оҳан, фурудгоҳҳо, ташкилоту муассисаҳо, таълимгоҳҳо, инчунин объектҳои физикию ҷугрофиро, ки бо қарори Ҳукумати Ҷумҳурии Тоҷикистон аз 30 апрели соли 1996 №164 тасдиқ шудааст, дар таҳрири нав таҳия ва пешниҳод намояд (қарори Ҳукумати ҶТ аз 31.10.2009 № 609).