Ҳукумати Ҷумҳурии Тоҷикистон

ҚАРОР

Дар бораи таъсиси Муассисаи давлатии "Маркази татбиқи Лоиҳаи беҳсозии сатҳи зиндагӣ дар Хатлон"

Мутобиқи моддаҳои 52 ва 132 Кодекси граждании Ҷумҳурии Тоҷикистон ва ҷиҳати таъмини иҷрои Созишномаи грантӣ бо мақсади тарақиёт, ки байни Ҷумҳурии Тоҷикистон ва Бунёди Байналмилалии Рушди Кишоварзӣ (ИФАД) аз 27 январи соли 2009 № DSF-8026-TJ ба имзо расидааст, Ҳукумати Ҷумҳурии Тоҷикистон қарор мекунад:

1. Муассисаи давлатии "Маркази татбиқи Лоиҳаи беҳсозии сатҳи зиндагӣ дар Хатлон" таъсис дода шуда, Оинномаи замимагардидаи он тасдиқ карда шавад.

Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон агентии иҷроияи Лоиҳаи мазкур муайян карда шавад.

2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон якҷоя бо Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон бинои заруриро барои ҷойгир намудани Муассисаи давлатии "Маркази татбиқи Лоиҳаи беҳсозии сатҳи зиндагӣ дар Хатлон" ҳамчун саҳми Ҳукумати Ҷумҳурии Тоҷикистон ҷудо намояд.

3. Муассисаи давлатии "Маркази татбиқи Лоиҳаи беҳсозии сатҳи зиндагӣ дар Хатлон" бо мувофиқаи Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон, Вазорати молияи Ҷумҳурии Тоҷикистон ва Бунёди Байналмилалии Рушди Кишоварзӣ (ИФАД) сохтор, ҷадвали штатӣ ва сметаи хароҷоти нигаҳдории дастгоҳи Маркази мазкурро таҳия ва тасдиқ намояд.