ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи берун баровардан ва дохил кардани сарватҳои фарҳангӣ"

Моддаи 1. Ба Қонуни Ҷумҳурии Тоҷикистон аз 6 августи соли 2001 "Дар бораи берун баровардан ва дохил кардани сарватҳои фарҳангӣ" (Ахбори Маҷлиси Олии Ҷумҳурии Тоҷикистон, с. 2001, №7, мод. 511) тағйиру иловаҳои зерин ворид карда шавад:

1. Ном ва матни моддаи 1 дар таҳрири зайл ифода карда шавад:

"Моддаи 1. Мақсади Қонуни мазкур

Қонуни мазкур муносибатҳои ҳуқуқии ҳифз ва нигаҳдории мероси фарҳангиро ба танзим дароварда, тартиби ягонаи аз Ҷумҳурии Тоҷикистон берун баровардан ва ба Ҷумҳурии Тоҷикистон дохил кардани сарватҳои фарҳангиро муқаррар намуда, ҳамчунин ба густариши ҳамкориҳои байналмилалии фарҳангӣ мусоидат мекунад.".

2. Дар моддаи 2:

- дар қисми якум калимаҳои "ҳамин Қонун" ва дар саросари матн калимаҳои "ин Қонун" ба калимаҳои "Қонуни мазкур" иваз карда шаванд;

- дар ҳамин қисм калимаҳои "меъёрию ҳуқуқӣ" ба калимаҳои "меъёрии ҳуқуқӣ" иваз карда шавад.

3. Дар сархати сеюми моддаи 4 калимаи "дарёфтҳои" ба калимаҳои "бозёфтҳо дар" иваз карда шавад.

4. Дар моддаи 5:

- дар қисмҳои якум ва сеюм калимаҳои "Кумитаи Гумруки назди Ҳукумати Ҷумҳурии Тоҷикистон ба калимаҳои "Хадамоти гумруки назди Ҳукумати Ҷумҳурии Тоҷикистон" иваз карда шавад;

- дар сархати шашуми қисми дуюм калимаи "фарҳангие" ба калимаи "фарҳангиеро" иваз карда шавад;

- дар қисми сеюм калимаи "оиди" ба калимаҳои "оид ба" иваз карда шавад;

- дар қисми чоруми ҳамин модда ва дар матн калимаи "оиди" ба калимаи "ҷиҳати" иваз карда шавад.

5. Дар моддаи 10:

- дар сархати якуми қисми дуюм калимаи "оиди" ба калимаҳои "дар бораи" иваз карда шавад;

- дар қисмҳои сеюм ва чорум калимаҳои "сарсатрҳои" ва "сарсатри" ба калимаҳои "сархатҳои" ва "сархати" иваз карда шаванд.

6. Дар сархати дуюми моддаи 11 калимаи "онро" ба калимаи "онҳоро", дар сархати сеюм калимаи "шудаанд" ба калимаи "гардидаанд", дар сархати панҷум калимаи "табии" ба калимаи "табиӣ" иваз карда шаванд.

7. Дар моддаи 14 калимаи "мундариҷаи" ба калимаи "мундариҷааш" иваз карда шавад.

8. Дар қисми дуюми моддаи 16 калимаи "рухсати" ба калимаи "иҷозати" иваз карда шавад.

9. Моддаи 20 дар таҳрири зайл ифода карда шавад:

"Моддаи 20. Боҷи давлатӣ барои анҷом додани санҷиши бадеии сарватҳои фарҳангӣ

Боҷи давлатӣ барои анҷом додани санҷиши бадеии сарватҳои фарҳангӣ мутобиқи Қонуни Ҷумҳурии Тоҷикистон "Дар бораи боҷи давлатӣ" ситонида мешавад.".

10. Дар моддаи 21 калимаи "ситонида" ба калимаҳои "амалӣ карда" иваз карда шавад.

11. Моддаи 22 дар таҳрири зайл ифода карда шавад:

"Моддаи 22. Ҷавобгарӣ барои вайрон кардани Қонуни мазкур

Шахсони воқеӣ ва ҳуқуқӣ барои вайрон кардани Қонуни мазкур мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.".

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабули Қонуни Ҷумҳурии Тоҷикистон "Оид баворид намудани тағйиру иловаҳо бо Қонуни Ҷумҳурии Тоҷикистон "Дар бораи берун баровардан ва дохил кардани сарватҳои фарҳангӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи берун баровардан ва дохил кардани сарватҳои фарҳангӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи берун баровардан ва дохил кардани сарватҳои фарҳангӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тагйиру иловаҳо ба Қонуни Ҷумҳурии Тоҷикистон "Дар бораи берун баровардан ва дохил кардани сарватҳои фарҳангӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи берун баровардан ва дохил кардани сарватҳои фарҳангӣ" ҷонибдорӣ карда шавад.