Ҳукумати Ҷумҳурии Тоҷикистон

ҚАРОР

Дар бораи тасдиқи Консепсияи ислоҳоти таҳсилоти тиббӣ ва фарматсевтӣ дар Ҷумҳурии Тоҷикистон

Мутобиқи моддаи 17 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон", моддаи 32 Қонуни Ҷумҳурии Тоҷикистон "Дар бораи маориф", моддаи 5 Кодекси тандурустии Ҷумҳурии Тоҷикистон, моддаҳои 31 Қонуни Ҷумҳурии Тоҷикистон "Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ" Ҳукумати Ҷумҳурии Тоҷикистон қарор мекунад (қарори Ҳукумати ҶТ аз 25.11.2021, №505):

1. Консепсияи ислоҳоти таҳсилоти тиббӣ ва фарматсевтӣ дар Ҷумҳурии Тоҷикистон тасдиқ карда шавад (замима мегардад)(қарори Ҳукумати ҶТ аз 25.11.2021, №505).

2. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон якҷоя (қарори Ҳукумати ҶТ аз 10.02.2016 № 66):

- бо Вазорати маориф ва илми Ҷумҳурии Тоҷикистон, Вазорати рушди иқтисод ва савдои Ҷумҳурии Тоҷикистон, Вазорати молияи Ҷумҳурии Тоҷикистон, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо дар доираи маблағҳои пешбининамудаи Буҷети давлатӣ, маблағҳои ғайрибуҷетӣ ва ҷалби сармояҳои дохилӣ ва хориҷӣ оид ба амалисозии Консепсияи мазкур тадбирҳои зарурӣ андешад (қарори Ҳукумати ҶТ аз 10.02.2016 № 66);

- бо Вазорати маориф ва имли Ҷумҳурии Тоҷикистон доир ба ворид намудани тағйиру иловаҳо ба санадҳои меъёрии ҳуқуқии Ҷумҳурии Тоҷикистон дар соҳаи таҳсилоти тиббию фарматсевтӣ таклиф пешниҳод намояд (қарори Ҳукумати ҶТ аз 10.02.2016 № 66, аз 25.11.2021, №505).

3. Бо мақсади амалисозии Консепсияи мазкур Вазорати рушди иқтисод ва савдои Ҷумҳурии Тоҷикистон тибқи талаботи соҳаҳои иқтисодиёти миллӣ ҳамасола дар дурнамои рушди иҷтимоию иқтисодии Ҷумҳурии Тоҷикистон барои солҳои оянда тайёр намудани мутахассисони дорои таҳсилоти олӣ, миёнаи касбии тиббӣ ва фарматсевтиро пешбинӣ намояд (қарори Ҳукумати ҶТ аз 25.11.2021, №505).

4. Қарори Ҳукумати Ҷумҳурии Тоҷикистон аз 1 ноябри соли 2004 № 423 "Дар бораи Консепсияи ислоҳоти таҳсилоти тиббӣ ва фармасевтӣ дар Ҷумҳурии Тоҷикистон" аз эътибор соқит дониста шавад.