Бо қарори Ҳукумати ҶТ аз 30.04.2002с. № 192 беэътибор дониста шуд

Ҳукумати Ҷумҳурии Тоҷикистон

ҚАРОР

Дар бораи таъсиси Комиссияи Ҷумҳурии Тоҷикистон оид ба кӯчбандии аҳолӣ дар ҳолатҳои фавқулодда

Мувофиқи моддаи 10 Қонуни Ҷумҳурии Тоҷикистон "Дар бораи мудофиаи гражданӣ" ва бо мақсади ҳалли таъҷилии масъалаҳои вобаста ба гузаронидани тадбирҳо оид ба кӯчбандӣ, ҷойгиронии аҳолӣ ва арзишҳои моддӣ ҳангоми рӯй додани вазъиятҳои фавқулодда Ҳукумати Ҷумҳурии Тоҷикистон қарор мекунад:

1. Комиссияи Ҷумҳурии Тоҷикистон оид ба кӯчбандии аҳолӣ дар ҳолатҳои фавқулодда таъсис дода шавад ва ҳайати замимагардидаи Комиссия (аз рӯи вазифа) тасдиқ карда шавад.

2. Раиси Комиссияи Ҷумҳурии Тоҷикистон оид ба кӯчбандии аҳолӣ дар ҳолатҳои фавқулодда дар мӯҳлати ду моҳ бо мувофиқаи вазорату идораҳои манфиатдор лоиҳаи Низомномаи Комиссияро таҳия кунад ва барои баррасӣ ба Ҳукумати Ҷумҳурии Тоҷикистон пешниҳод намояд.

3. Вазорати ҳолатҳои фавқулодда ва мудофиаи граждании Ҷумҳурии Тоҷикистон дар Нақшаи мудофиаи граждании Ҷумҳурии Тоҷикистон тағйиротҳои дахлдор ворид намояд.