Дар бораи ворид намудани тағйирот ба қарори Ҳукумати Ҷумҳурии Тоҷикистон аз 3 сентябри соли 1998 № 347
Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:
Банди 1 Низомномаи тартиб ва шартҳои пардохти кӯмакпулӣ барои дафн, ки бо қарори Ҳукумати Ҷумҳурии Тоҷикистон аз 3 сентябри соли 1998 № 347 "Дар бораи тасдиқи Низомномаи тартиб ва шартҳои пардохти кӯмакпулӣ барои дафн" тасдиқ шудааст, дар таҳрири зайл баён карда шавад:
"1. Мутобиқи моддаи 16 Қонуни Ҷумҳурии Тоҷикистон "Дар бораи суғуртаи давлатии иҷтимоӣ" кӯмакпулӣ барои дафн ҳангоми вафоти шахси-суғурташуда, инчунин ҳангоми фавти аъзои хонавода, ки таҳти саробонии ӯ қарор доранд, пардохта мешавад. Андозаи кӯмакпулӣ барои дафн 500 (панҷсад сомониро) ташкил медиҳад".
Раиси
Ҳукумати Ҷумҳурии Тоҷикистон Эмомалӣ Раҳмон
аз 1 августи соли 2008 № 382,
ш. Душанбе
