Ҳукумати Ҷумҳурии Тоҷикистон

ҚАРОР

Дар бораи Қоидаҳои ташкили низоми тайёрии касбӣ, такмили ихтисос ва бозомӯзии шаҳрвандони бекор

Мутобиқи моддаи 21 Қонуни Ҷумҳурии Тоҷикистон "Дар бораи мусоидат ба шуғли аҳолӣ" ва бо мақсади такмили ҷараёни рушди босамари захираҳои меҳнатӣ Ҳукумати Ҷумҳурии Тоҷикистон қарор мекунад:

1. Қоидаҳои замимагардидаи ташкили низоми тайёрии касбӣ, такмили ихтисос ва бозомӯзии шаҳрвандони бекор тасдиқ карда шавад.

2. Вазорати меҳнат, муҳоҷират ва шуғли аҳолии Ҷумҳурии Тоҷикистон роҳбарии методӣ ва иҷрои талаботи Қоидаҳои мазкурро таъмин намояд (қарори Ҳукумати ҶТ аз 5.11.2014 № 707).

3. Қарори Ҳукумати Ҷумҳурии Тоҷикистон аз 4 марти соли 2005 № 94 "Дар бораи Қоидаҳои ташкили низоми тайёрии касбӣ, такмили ихтисос ва бозомӯзии шаҳрвандони бекор" аз эътибор соқит дониста шавад.