Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006 № 617

Мутобиқи моддаи 43 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 28 декабри соли 2006 № 617 "Дар бораи Саридораи геологияи назди Ҳукумати Ҷумҳурии Тоҷикистон" тағйиру иловаҳои зерин ворид карда шаванд:

- ба Сохтори дастгоҳи марказии Саридораи геологияи назди Ҳукумати Ҷумҳурии Тоҷикистон сархати нав бо мазмуни зерин илова карда шавад:

"Намояндагии Саридораи геологияи назди Ҳукумати Ҷумҳурии Тоҷикистон дар Вилояти Мухтори Кӯҳистони Бадахшон";

- дар Номгӯи ташкилотҳои системаи Саридораи геологияи назди Ҳукумати Ҷумҳурии Тоҷикистон калимаҳои "Корхонаи воҳиди "Коркард ва фурӯш", ноҳияи Рудакӣ, шаҳраки Навобод" хориҷ карда шуда, сархатҳои нав бо мазмуни зерин илова карда шаванд:

"Рӯзномаи Ганҷ", шаҳри Душанбе, кӯчаи Беҳзод 13/83,

Корхонаи воҳиди "Лабораторияи марказӣ" шаҳри Душанбе, кӯчаи Мирзо Турсунзода, 25".