ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи Низомномаи тартиб ва шартҳои гузаронидани аттестатсияи хизматчиёни давлатии маъмурӣ

Бо мақсади таҳкими дастгоҳи давлатӣ, таъмини болоравии мансабии хизматчиёни давлатии мақомоти давлатӣ ва мутобиқи моддаи 20 Қонуни Ҷумҳурии Тоҷикистон "Дар бораи хизмати давлатӣ" фармонмедиҳам:

1. Низомномаи замимагардидаи тартиб ва шартҳои гузаронидани аттестатсияи хизматчиёни давлатии маъмурӣ тасдиқ карда шавад.

2. Роҳбарони мақомоти марказӣ ва маҳаллии ҳокимияти давлатӣ, мақомоти худидоракунии шаҳрак ва деҳот ва хадамоти кадрии онҳо аттестатсияи минбаъдаи хизматчиёни давлатиро тибқи Низомномаи мазкур ба роҳ монанд.

3. Фармони Президенти Ҷумҳурии Тоҷикистон аз 30 августи соли 2002 № 878 "Оид ба тасдиқи Низомнома дар бораи тартиб ва шароити гузаронидани аттестатсияи хизматчиёни давлатӣ" беэътибор дониста шавад.