ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳаракати роҳ"

Моддаи 1. Ба Қонуни Ҷумҳурии Тоҷикистон аз 4 ноябри соли 1995 "Дар бораи ҳаракати роҳ" (Ахбори Маҷлиси Олии Ҷумҳурии Тоҷикистон, соли 1995, №22, мод. 336; соли 1997, №23-24, мод. 333; соли 2000, №11, мод. 527) тағйиру иловаҳои зерин ворид карда шаванд:

1. Номи "Қонуни Ҷумҳурии Тоҷикистон "Дар бораи ҳаракати роҳ" ба "Қонуни Ҷумҳурии Тоҷикистон "Дар бораи ҳаракат дар роҳ" иваз карда шуда, минбаъд дар тамоми матни Қонун калимаҳои "ҳаракати роҳ" ба калимаҳои "ҳаракат дар роҳ" иваз карда шаванд.

2. Муқаддимаи Қонун дар таҳрири зайл баён карда шавад:

"Мақсади Қонуни мазкур муайян намудани асосҳои ҳуқуқии ҳаракат дар роҳ ҷиҳати ҳифзи ҳаёт ва саломатии шаҳрвандон, системаи таъмини бехатарии ҳаракат дар роҳ, тартиби банақшагирӣ ва маблағгузории чорабиниҳо оид ба таъмини бехатарии ҳаракат дар роҳ мебошад.".

3. Дар матни Қонун калимаи "фасли" ба калимаи "боби" иваз карда шуда, рақамгузории бобҳо бо рақамҳои арабӣ ишора карда шавад.

4. Дар моддаи 1:

- номи модда дар таҳрири зайл баён карда шавад:

"Моддаи 1. Вазифаҳои Қонуни мазкур";

- дар матни модда ва дар тамоми матни Қонун калимаҳои "Қонун" ва "ин Қонун" мувофиқан ба калимаҳои "Қонуни мазкур" иваз карда шаванд.

5. Моддаи 2 дар таҳрири зайл баён карда шавад:

"Моддаи 2. Қонунгузории Ҷумҳурии Тоҷикистон дар бораи ҳаракат дар роҳ

Қонунгузории Ҷумҳурии Тоҷикистон дар бораи ҳаракат дар роҳ ба Конститутсияи (Сарқонуни) Ҷумҳурии Тоҷикистон асос ёфта, аз Қонуни мазкур, дигар санадҳои меъёрии ҳуқуқии Ҷумҳурии Тоҷикистон ва санадҳои ҳуқуқии байналмилалие, ки Тоҷикистон онҳоро эътироф кардааст, иборат аст.".

6. Дар моддаи 3:

- номи модда дар таҳрири зайл баён карда шавад:

"Моддаи 3. Мафҳумҳои асосӣ";

- қисми якум дар таҳрири зайл баён карда шавад:

"Дар Қонуни мазкур мафҳумҳои асосии зерин истифода шудаанд:";

- сархати якум дар таҳрири зайл ифода карда шавад:

"Иштирокчиёни ҳаракат дар роҳ - шахсоне, ки аз роҳҳои автомобилгард ва ҷойҳои дигар, ки барои аз як ҷой ба ҷои дигар расонидани мусофирон ва кашондани борҳо тавассути воситаҳои нақлиёт пешбинӣ шудаанд, истифода бурда, дар раванди ҳаракат ҳамчун ронанда, пиёдагард, мусофир, велосипедрон, чорворон, аробакаш ва ғайра бевосита иштирок менамоянд.";

- дар сархати дуюм калимаи "инженерӣ" ба калимаи "муҳандисӣ" иваз карда шавад;

- дар сархатҳои чорум ва панҷум калимаи "протсесси" ба калимаи "раванди" иваз карда шавад.

7. Матни моддаи 5 дар таҳрири зайл баён карда шавад:

"Идоракунии давлатӣ дар соҳаи ҳаракат дар роҳ ва бехатарии он аз тарафи Ҳукумати Ҷумҳурии Тоҷикистон, мақомоти маҳаллии ҳокимияти давлатӣ ва дигар мақомоти ваколатдор сурат мегирад.".

8. Дар моддаи 7 калимаҳои "корҳои профилактикӣ анҷом медиҳанд" ба калимаҳои "тадбирҳои пешгириву фаҳмондадиҳиро ба амал мебароранд" иваз карда шаванд.

9. Дар қисми якуми моддаи 9:

- дар сархати чорум калимаҳои "мақомоти ҳокимияти иҷроия ва идора" ба калимаҳои "мақомоти иҷроияи ҳокимияти давлатӣ ва мақомоти ваколатдори давлатӣ оид ба ҳаракат дар роҳ" иваз карда шаванд;

- дар сархати панҷум калимаҳои "давлатии идора" ба калимаҳои "давлатии ваколатдор" иваз карда шаванд;

- дар сархати нӯҳум калимаҳои "мақомоти ҳокимияти иҷроия дар маҳалҳо" ба калимаҳои "мақомоти иҷроияи маҳаллии ҳокимияти давлатӣ" иваз карда шаванд;

- дар сархати даҳум калимаҳои "назорат ва контроли" ба калимаи "назорати" иваз карда шавад;

- дар сархати дувоздаҳум ва дар тамоми матни қонун калимаи "навсозӣ" ба калимаи "тармим" иваз карда шавад;

- дар сархати сенздаҳум калимаи "планҳои" ба калимаи "нақшаҳои" ва калимаи "баплангирии" ба калимаи "банақшагирии" иваз карда шавад;

- дар сархати шонздаҳум калимаи "пассажирҳо" ба калимаи "мусофирон" иваз карда шавад;

- дар сархати нуздаҳум калимаи "ахборию" ба калимаи "иттилоотию" иваз карда шавад;

- дар сархати бистум калимаи "байналхалқӣ" ба калимаи "байналмилалӣ" иваз карда шавад.

10. Моддаи 10 дар таҳрири зайл баён карда шавад:

"Моддаи 10. Салоҳияти мақомоти маҳаллии ҳокимияти давлатӣ дар соҳаи таъмини бехатарии ҳаракат дар роҳ"

Ба салоҳияти мақомоти маҳаллии ҳокимияти давлатӣ дар соҳаи таъмини бехатарии ҳаракат дар роҳ дохил мешавад:

- таҳия ва татбиқи барномаҳои минтақавии таъмини бехатарии ҳаракат дар роҳ, танзим ва назорати иҷрои онҳо;

- таъмини бехатарии ҳаракат дар роҳ дар ҳудуди минтақаи дахлдор;

- ташкили иҷрои корҳо оид ба сохтмон, тармим, таъмир ва таъмини воситаҳои техникӣ дар роҳҳои автомобилгарди истифодаи умуми таъиноти маҳаллӣ, кӯчаҳо ва маҳалҳои аҳолинишин;

- дигар ваколатҳое, ки санадҳои меъёрии ҳуқуқии Ҷумҳурии Тоҷикистон муқаррар намудаанд.

11. Дар сархатҳои даҳум ва шонздаҳуми моддаи 11 ва тамоми матни Қонун калимаҳои "Қонунҳои мавҷуда" ва "қонунгузории мавҷуда" ба калимаҳои "санадҳои меъёрии ҳуқуқии Ҷумҳурии Тоҷикистон" иваз карда шаванд.

12. Дар сархати шашуми моддаи 12 калимаҳои "нақлиёти роҳ" ба калимаҳои "ҳодисаҳои садамавӣ дар роҳ" иваз карда шаванд.

13. Дар моддаи 14:

-қисми сеюм дар таҳрири зайл ифода карда шавад:

"Номгӯи ноқисиҳои ҷисмонӣ ва ё бемориҳое, ки дар сурати мавҷуд будани онҳо ба шахс бобати гирифтани шаҳодатнома барои идораи воситаҳои нақлиёт иҷозат дода мешавад, аз тарафи Вазорати тандурустии Ҷумҳурии Тоҷикистон муқаррар карда мешавад.";

- дар қисми панҷум калимаи "байналхалқие" ба калимаи "байналмилалие" иваз карда шавад.

14. Дар моддаи 16:

- номи модда дар таҳрири зайл баён карда шавад:

"Моддаи 16. Омӯзиши қоидаҳои ҳаракат дар роҳ ба аҳолӣ"

- аз қисми якум калимаҳои "ва хоҷагидорӣ" хориҷ карда шаванд;

- дар қисми шашум калимаҳои "идорӣ ё хусусӣ" ба калимаҳои "ва ғайридавлатӣ" ва калимаи "намешаванд" ба калимаи "мешаванд" иваз карда шаванд;

- дар қисми ҳафтум калимаҳои "ахбори умум" ба калимаҳои "ахбори омма" иваз карда шаванд.

15. Дар номи моддаҳои 18 ва 19 калимаи "талабҳои" ба калимаи "талаботи" иваз карда шавад;.

16. Дар моддаи 20 калимаҳои "Мақомоти ҳокимияти маҳаллӣ" ба калимаҳои "Мақомоти маҳаллии ҳокимияти давлатӣ" ва калимаи "планҳои" ба калимаи "нақшаҳои" иваз карда шаванд.

17. Ба моддаи 24 қисми дуюм бо мазмуни зерин илова карда шавад:

"Барои иштирок дар ҳаракат дар роҳ ба воситаҳои нақлиёти маҷмӯи идоракуниашон аз тарафи рост иҷозат дода намешавад.".

18. Дар моддаи 30:

- аз қисми 2 калимаи "(литсензия)" бо қавсайнаш хориҷ карда шавад;

- дар қисми 3 калимаҳои "Мақомоти ҳокимияти иҷроия ва идора" ба калимаҳои "Мақомоти ҳокимияти давлатӣ" иваз карда шаванд.

19. Номи фасли VII дар таҳрири зайл ифода карда шавад:

"Банақшагирӣ ва маблағгузории тадбирҳои таъмини бехатарии ҳаракат дар роҳ"

20. Дар моддаи 34:

- дар ном ва матни модда калимаи "Баплангирии" ба калимаи "Банақшагирии" иваз карда шавад;

- дар матни модда калимаҳои "Мақомоти ҳокимияти иҷроия ва идора" ба калимаҳои "Мақомоти иҷроияи ҳокимияти давлатӣ" иваз карда шаванд.

21. Дар ном ва матни моддаи 35 калимаи "маблағдиҳӣ" ба калимаи "маблағгузорӣ" иваз карда шавад.

22. Аз номи фасли IX калимаҳои "ва контрол" хориҷ карда шаванд.

23. Дар қисми якуми моддаи 39 калимаҳои "мақомоти ҳокимияти интихобӣ ва иҷроия дар маҳалҳо" ба калимаҳои "мақомоти маҳаллии ҳокимияти давлатӣ" иваз карда шаванд.

24. Номи фасли X дар таҳрири зайл баён карда шавад:

"Ҷавобгарӣ барои вайрон кардани Қонуни мазкур"

25. Моддаи 41 дар таҳрири зайл баён карда шавад:

"Моддаи 41. Ҷавобгарӣ барои вайрон кардани Қонуни мазкур

Шахсони воқеӣ ва ҳуқуқӣ барои вайрон кардани Қонуни мазкур мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.".

26. Дар номи фасли XI, ном ва матни моддаи 43 калимаҳои "мувофиқатномаҳои байналхалқӣ", "мувофиқатномаҳои байналхалқии" мутаносибан ба калимаҳои "шартномаҳои байналмилалӣ" ва "шартномаҳои байналмилалии" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳаракати роҳ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳаракати роҳ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳаракати роҳ" ҷонибдорӣ карда шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул намудани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷнкистон "Дар бораи ҳаракати роҳ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳаракати роҳ" қабул карда шавад.