Бо Фармони Президенти ҶТ аз 9.06.2016 № 698 аз эътибор соқит дониста шуд.

ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Масъалаҳои Шӯрои адлияи Ҷумҳурии Тоҷикистон

Мутобиқи моддаии 130 Қонуни конститугсионии Ҷумҳурии Тоҷикистон "Дар бораи судҳои Ҷумҳурии Тоҷикистон" фармон медиҳам:

1. Сохтор ва нақшаи идораи Дастгоҳи марказии Шӯрои адлияи Ҷумҳурии Тоҷикистон тасдиқ карда шаванд (замима мегарданд).

2. Шумораи умумии кормандони Шӯрои адлияи Ҷумҳурии Тоҷикистон, раёсатҳо, шӯъбаҳо, бахшҳо ва судҳои ҳарбӣ, судҳои Вилояти Мухтори Кӯҳистони Бадахшон, вилоятҳо, шаҳри Душанбе, шаҳрҳо ва ноҳияҳо, судҳои иқтисодии вилояти Мухтори Кӯҳистони Бадахшон, вилоятҳо ва шаҳри Душанбе ба миқдори 1122 воҳид (бе дарназардошти ҳайати хизматрасон) муқаррар карда шавад, аз ҷумла (Фармони Президенти ЧТ аз 29.01.2008 № 408, аз 26.01.2010 № 777, аз 8.03.2011 № 1043):

Дастгоҳи марказӣ                                    40 воҳид

Раёсат ва шӯъбаҳои вилоятӣ                          12 воҳид

Судҳои Вилояти Мухтори Кӯҳистони

Бадахшон, вилоятҳо ва шаҳри Душанбе                 181 воҳид

(Фармони Президенти ЧТ аз 29.01.2008 № 408, аз 26.01.2010 № 777)

Судҳои шаҳрҳо ва ноҳияҳо                            706 воҳид

(Фармони Президенти ЧТ аз 29.01.2008 № 408, аз 26.01.2010 № 777, аз 8.03.2011 № 1043)

Судҳои иқтисодии Вилояти Мухтори Кӯҳистони

Бадахшон, вилоятҳо ва шаҳри Душанбе                 54 воҳид

Судҳои ҳарбӣ                                        52 воҳид

(Фармони Президенти ЧТ аз 29.01.2008 № 408)

Маркази таълимии судяҳо                              7 воҳид

3. Шӯрои адлияи Ҷумҳурии Тоҷикистон дар ҳайати 7 нафар муқаррар карда шавад.

4. Маблағгузории Шӯрои адлияи Ҷумҳурии Тоҷикистон аз ҳисоби маблағҳои буҷети ҷумҳуриявӣ анҷом дода шавад.

5. Барои Шӯрои адлияи Ҷумҳурии Тоҷикистон лимити автомашинҳои сабукрави хизматӣ ба миқдори 33 воҳид, аз ҷумла барои Дастгоҳи марказӣ 6 воҳид муқаррар карда шавад.

6. Фармони Президенти Ҷумҳурии Тоҷикистон аз 5 январи соли 2000 № УП-84 "Дар бораи масъалаҳои Шӯрои адлияи Ҷумҳурии Тоҷикистон" аз эътибор соқит дониста шавад.

7. Ҳукумати Ҷумҳурии Тоҷикистон қарорҳои худро ба Фармони мазкур мутобиқ намояд.

Сохтори Дастгоҳи Марказии Шӯрои адлияи Ҷумҳурии Тоҷикистон

Роҳбарият

Котибот

Раёсати судҳо

Раёсати банақшагирӣ ва молия

Шӯъбаи кадрҳо

Шӯъбаи коргузорӣ ва корҳои махсус

Бахши робитаҳои байналмилалӣ ва систематизатсияи қонунгузорӣ.

Нақшаи идораи Шӯрои адлияи Ҷумҳурии Тоҷикистон

Дастгоҳи марказӣ

Раёсат ва шӯъбаҳои вилоятӣ

Судҳои Вилояти Мухтори Кӯҳистони Бадахшон, вилоятҳо ва шаҳри Душанбе

Судҳои шаҳрҳо ва ноҳияҳо

Судҳои иқтисодии Вилояти Мухтори Кӯҳистони Бадахшон, вилоятҳо ва шаҳри Душанбе

Судҳои ҳарбӣ

Маркази таълимии судяҳо.