ҲУКУМАТИ ҶУМҲУРИИ ТОҶИКИСТОН

ҚАРОР

Оид ба тасдиқи Низомномаи хадамоти мудофиаи гражданӣ

Мутобиқи моддаи 15 Қонуни Ҷумҳурии Тоҷикистон "Дар бораи мудофиаи гражданӣ" ва бо мақсади таъмини омодагии доимӣ ҷиҳати иҷрои вазифаҳои мудофиаи гражданӣ Ҳукумати Ҷумҳурии Тоҷикистон қарор мекунад:

1. Низомномаи хадамоти мудофиаи гражданӣ тасдиқ карда шавад (замима мегардад).

2. Мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо, роҳбарони вазорату идораҳо ва ташкилоту муассисаҳо фаъолияти хадамоти мудофиаи гражданиро дар ҳудуди худ тибқи Низомномаи мазкур ба роҳ монанд.