Ҳукумати Ҷумҳурии Тоҷикистон

ҚАРОР

Дар бораи таъсиси Комиссияи байниидоравии дузинагӣ оид ба масъалаҳои дохилшавии Ҷумҳурии Тоҷикистон ба Созмони Умумиҷаҳонии Савдо

Мутобиқи моддаи 21 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва бо мақсади иҷрои вазифаҳо оид ба дохилшавии Ҷумҳурии Тоҷикистон ба Созмони Умумиҷақонии Савдо, ҳамоҳангсозии минбаъдаи қонунгузории амалкунандаи Ҷумҳурии Тоҷикистон бо меъёрҳои Созмони Умумиҷаҳонии Савдо, омода намудани ҳуҷҷатҳои зарурӣ Ҳукумати Ҷумҳурии Тоҷикистон қарор мекунад:

1. Комиссияи байниидоравии дузинагӣ оид ба масъалаҳои дохилшавии Ҷумҳурии Тоҷикистон ба Созмони Умумиҷаҳонии Савдо таъсис дода шавад.

2. Низомномаи Комиссияи байниидоравии дузинагӣ оид ба масъалаҳои дохилшавии Ҷумҳурии Тоҷикистон ба Созмони Умумиҷаҳонии Савдо тасдиқ карда шавад (замимаи 1).

3. Ҳайати Комиссияи байниидоравии зинаи якум оид ба масъалаҳои дохилшавии Ҷумҳурии Тоҷикистон ба Созмони Умумиҷаҳонии Савдо тасдиқ карда шавад (замимаи 2).

4. Ҳайати Комиссияи байниидоравии зинаи дуюм оид ба масъалаҳои дохилшавии Ҷумҳурии Тоҷикистон ба Созмони Умумиҷаҳонии Савдо тасдиқ карда шавад (замимаи 3).

5. Вазорату идораҳои Ҷумҳурии Тоҷикистон ба Комиссияи байниидоравии дузинагӣ оид ба масъалаҳои дохилшавии Ҷумҳурии Тоҷикистон ба Созмони Умумиҷаҳонии Савдо дар ҳалли масъалаҳои марбут ба салоҳияти он мусоидат намоянд.

6. Фармоиши Ҳукумати Ҷумҳурии Тоҷикистон аз 7 сентябри соли 2001 № 92-ф аз эътибор соқит дониста шавад.