Ҳукумати Ҷумҳурии Тоҷикистон

ҚАРОР

Дар бораи тасдиқи Низомнома оид ба комиссияи қонунигардонии молу мулк

Мутобики моддаи 6 Қонуни Ҷумҳурии Тоҷикистон "Дар бораи авфи шаҳрвандон ва шахсони ҳуқуқии Ҷумҳурии Тоҷикистон бинобар қонунигардонии молу мулк" Ҳукумати Ҷумҳурии Тоҷикистон қарор мекунад:

1. Низомномаи замимагардидаи комиссия оид ба қонунигардонии молу мулк тасдиқ карда шавад.

2. Раисони шаҳрҳо, ноҳияҳо ва ноҳияҳои шаҳри Душанбе дар шаҳрҳо, ноҳияҳо ва ноҳияҳои шаҳри Душанбе комиссияҳо оид ба қонунигардонии молу мулкро ташкил карда, барои фаъолияти пурсамари онҳо тамоми чораҳоро андешанд, корҳои иттилоотонии шаҳрвандон ва шахсони ҳуқуқиро дар ҳудудҳои тобеъ вобаста ба мӯҳлатҳо, тартиб ва афзалиятнокии қонунигардонии молу мулк анҷом диҳанд.

3. Қарори мазкур аз рӯзи ба имзо расиданаш мавриди амал қарор гирифта, нашри он ҳатмист.