Ҳукумати Ҷумҳурии Тоҷикистон

ҚАРОР

Дар бораи масъалаҳои Комиссияи ҳамоҳангсоз оид ба қонунигардонии молу мулк дар назди Ҳукумати Ҷумҳурии Тоҷикистон

Мутобиқи моддаи 6 Қонуни Ҷумҳурии Тоҷикистон "Дар бораи авфи шаҳрвандон ва шахсони ҳуқуқии Ҷумҳурии Тоҷикистон бинобар қонунигардонии молу мулк" Ҳукумати Ҷумҳурии Тоҷикистон қарор мекунад:

1. Комиссияи ҳамоҳангсоз оид ба қонунигардонии молу мулк дар назди Ҳукумати Ҷумҳурии Тоҷикистон дар ҳайати зерин тасдиқ карда шавад:

а) Ғуломов А.Ғ. - Муовини аввали Сарвазири Ҷумҳурии Тоҷикистон - Раиси Комиссияи ҳамоҳангсоз;

б) Худоёров Б.Т. - Вазири адлияи Ҷумҳурии Тоҷикистон - муовини Раиси Комиссияи ҳамоҳангсоз;

в) Амиров Р.А. - Муовини Раиси Кумитаи давлатии сармоягузорӣ ва идораи амволи давлатӣ - аъзои Комиссияи ҳамоҳангсоз;

г) Раҳмонов А.А. - Муовини Вазири рушди иқтисод ва савдои Ҷумҳурии Тоҷикистон - аъзои Комиссияи ҳамоҳангсоз;

д) Норинов Ҷ.Н. - Муовини Вазири молияи Ҷумҳурии Тоҷикистонаъзои Комиссияи ҳамоҳангсоз;

е) Асоев А. - Муовини Раиси Кумитаи давлатии омори Ҷумҳурии Тоҷикистон - аъзои Комиссияи ҳамоҳангсоз;

ж) Султонов Б.С. - Муовини Раиси Кумитаи андози назди Ҳукумати Ҷумҳурии Тоҷикистон - аъзои Комиссияи ҳамоҳангсоз;

з) Хабиров М.Х. - Муовини Директори Агентии заминсозӣ, геодезия ва харитасозии назди Ҳукумати Ҷумҳурии Тоҷикистон - аъзои Комиссияи ҳамоҳангсоз;

и) Қаҳоров А.Н. - Директори корхонаи воҳиди давлатии "Марказ -замин" - котиби Комиссияи ҳамоҳангсоз.

2. Низомномаи замимашудаи Комиссияи ҳамоҳангсоз оид ба қонунигардонии молу мулк дар назди Ҳукумати Ҷумҳурии Тоҷикистон тасдиқ карда шавад.

3. Комиссияи ҳамоҳангсоз оид ба қонунигардонии молу мулк дар назди Ҳукумати Ҷумҳурии Тоҷикистон якҷоя бо Дастгоҳи иҷроияи Президенти Ҷумҳурии Тоҷикистон мутобиқи Қонуни Ҷумҳурии Тоҷикистон "Дар бораи авфи шаҳрвандон ва шахсони ҳуқуқии Ҷумҳурии Тоҷикистон бинобар қонунигардонии молу мулк" санадҳои меъёрии ҳуқуқиро оид ба анҷомдиҳии қонунигардонӣ нашр намоянд ва чораҳои ташкилӣ, молиявӣ, кадрӣ ва дигар чораҳоро андешанд, ки омодагии пурраи комиссияҳои оид ба қонунигардонии молу мулки шаҳрҳо, ноҳияҳо ва ноҳияҳои шаҳри Душанберо дар мӯҳлати муқаррарнамудаи моддаи 4 Қонуни дар банди мазкур нишондодашуда таъмин мекунанд.

4. Комиссияи ҳамоҳангсоз оид ба қонунигардонии молу мулк дар назди Ҳукумати Ҷумҳурии Тоҷикистон якҷоя бо воситаҳои давлатии ахбори омма ҷиҳати иттилоотонии аҳолӣ ва шахсони ҳуқуқии Ҷумҳурии Тоҷикистонро вобаста ба мӯҳлатҳо, тартиб ва афзалиятҳои қонунигардонии молу мулк, аҳамияти қонунигардонии молу мулк барои рушди иқтисодиёт ва паст намудани сатҳи камбизоатӣ дар кишвар анҷом диҳад.