Ҳукумати Ҷумҳурии Тоҷикистон

ҚАРОР

Дар бораи таъсис додани Муассисаи давлатии "Маркази идоракунии лоиҳаи "Рушди деҳот"

Мувофиқи моддаи 52 Кодекси граждании Ҷумҳурии Тоҷикистон ва бо мақсади амалӣ гардидани лоиҳаи "Рушди деҳот", инчунин барои самаранок истифодабарии қарз ва гранти Бонки Осиёгии Рушд Ҳукумати Ҷумҳурии Тоҷикистон қарор мекунад:

1. Муассисаи давлатии "Маркази идоракунии лоиҳаи "Рушди деҳот" таъсис дода шуда, Оинномаи-замимагардидаи он тасдиқ карда шавад.

Вазорати кишоварзӣ ва ҳифзи табиати Ҷумҳурии Тоҷикистон агентии иҷроияи Лоиҳаи мазкур муайян карда шавад.

2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон якҷоя бо Вазорати кишоварзӣ ва ҳифзи табиати Ҷумҳурии Тоҷикистон бинои заруриро барои ҷойгир намудани Муассисаи давлатии ,Маркази идоракунии лоиҳаи "Рушди деҳот" ҷудо намояд.

3. Муассисаи давлатии "Маркази идоракунии лоиҳаи ,Рушди деҳот, бо мувофиқаи Вазорати кишоварзӣ ва ҳифзи табиати Ҷумҳурии Тоҷикистон, Вазорати молияи Ҷумҳурии Тоҷикистон ва Бонки Осиёгии Рушд сохтор, ҷадвали штатӣ ва сметаи хароҷоти нигоҳдории дастгоҳи Муассисаи давлатии "Маркази идоракунии лоиҳаи "Рушди деҳот"-ро таҳия ва тасдиқ намояд.

4. Вазорати молияи Ҷумҳурии Тоҷикистон ҷиҳати татбиқи лоиҳаи "Рушди деҳот" ҳамасола хангоми таҳияи Буҷети давлатӣ маблағгузории саҳми Ҳукумати Ҷумҳурии Тоҷикистонро таъмин намояд.