ҚОНУНИ ҶУМҲУРИИ ТОҶИКИСТОН

Оид ба ворид намудани тағйирот ба Қонуни Ҷумҳурии Тоҷикистон "Дар бораи фармоиши давлатии мудофиавӣ"

Моддаи 1. Ба моддаи 2 Қонуни Ҷумҳурии Тоҷикистон аз 11 декабри соли 1999 "Дар бораи фармоиши давлатии мудофиавӣ" (Ахбори Маҷлиси Олии Ҷумҳурии Тоҷикистон, соли 1999, № 12, мод. 337; соли 2004, №7, мод. 462) тағйироти зайл ворид карда шавад:

дар сархати якум калимаи "Фармоиши" ба калимаи "фармоиши", калимаҳои "шартномаҳои байналхалқие" ба калимаҳои "санадҳои ҳуқуқии байналмилалие" иваз карда шаванд; ҷумлаи аввали сархати дуюм дар таҳрири зайл баён карда шавад:

"фармоишдиҳандаи давлатии фармоиши мудофиавӣ (минбаъдфармоишдиҳандаи давлатӣ)- Кумитаи давлатии амнияти миллии Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Вазорати мудофиаи Ҷумҳурии Тоҷикистон, Гвардияи миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Раёсати корҳои ислоҳии Вазорати адлияи Ҷумҳурии Тоҷикистон, Агентии таъмини амволи махсуси назди Вазорати рушди иқтисод ва савдои Ҷумҳурии Тоҷикистон, Кумитаи марказии ташкилоти мададгори мудофиаи Ҷумҳурии Тоҷикистон мебошанд, ки барои таҳвили маҳсулот (корҳо, хизматрасонӣ) аз рӯи фармоиши мудофиавӣ фармоиш медиҳанд.";

дар сархатҳои сеюм ва чорум калимаҳои "Вазорати саноати Ҷумҳурии Тоҷикистон" ба калимаҳои "Вазорати энергетика ва саноати Ҷумҳурии Тоҷикистон" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабули Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи фармоиши давлатии мудофиавӣ"

Маҷлиси намояндагони Маҷлиси Олии Ҷумҳурии Тоҷикистон карор мекунад:

Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи фармоиши давлатии мудофиавӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи фармоиши давлатии мудофиавӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистонро "Оид ба ворид намудани тағйирот ба Қонуни Ҷумҳурии Тоҷикистон "Дар бораи фармоиши давлатии мудофиавӣ" баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи фармоиши давлатии мудофиавӣ" ҷонибдорӣ карда шавад.