ҚОНУНИ ҶУМҲУРИИ ТОҶИКИСТОН

Дар бораи ворид иамудани тағйирот ба Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2007"

Моддаи 1. Моддаи 29 Қонуни Ҷумҳурии Тоҷикистон аз 29 ноябри соли 2006 "Дар бораи Буҷети давлатии Ҷумҳурии Тоҷикистон барои соли 2007" (Ахбори Маҷлиси Олии Ҷумҳурии Тоҷикистон, соли 2006, №11, моддаи 475) дар таҳрири зайл ифода карда шавад:

"Аз 1 январи соли 2007 барои ҳавасмандгардонии кормандон ва инкишофи базаи моддию техникӣ 20 фоизи маблағи умумии пинҳонкардашудаи (кам нишондодашудаи) андозҳо ва ҷаримаҳои дар рафти корҳои назоратӣ ошкоргардида ба Кумитаи андози назди Ҳукумати Ҷумҳурии Тоҷикистон ва барои ҳавасмандгардонии кормандон, инкишофи базаи моддию техникӣ ва барқарорсозии дидбонгоҳҳои гумрукӣ 60 фоизи маблағи хироҷҳои гумрукӣ ба Хадамоти гумруки назди Ҳукумати Ҷумҳурии Тоҷикистон равон карда шавад. Маблағҳои зикргардида бо тартиби марказонидашуда ба буҷети ҷумҳуриявй ворид гардида, барои маблағгузории тадбирҳои дар моддаи мазкур пешбинишуда истифода мешаванд ва тартиби дар моддаи 19 Қонуни мазкур пешбинигардида нисбати онҳо татбиқ намегардад".

Моддаи 2. Қонуни мазкур аз 1 январи соли 2007 мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул карданн Қонуни Ҷумҳурии Тоҷикистон "Оид ба ворид мамудаии тағйирот ба Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2007"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2007" қабул карда шавад.