Бо қарори Ҳукумати ҶТ аз 29.12.2017 № 597 аз эътибор соқит дониста шуд.  

Ҳукумати Ҷумҳурии Тоҷикистон

ҚАРОР

Дар бораи Хадамоти назорати давлатии санитарию эпидемиологӣ

Мувофиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва ҷиҳати иҷрои Фармони Президенти Ҷумҳурии Тоҷикистон аз 30 ноябри соли 2006 № 9 "Дар бораи ташили сохтори мақомоти марказии ҳокимияти иҷроияи Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомнома, сохтори Дастгоҳи марказӣ, нақшаи идоракунӣ ва номгӯи муассисаҳо ва ташкилотҳои Хадамоти назорати давлатии санитарию эпидемиологӣ тибқи замимаҳои 1,2,3,4 тасдиқ карда шаванд (қарори Ҳукумати ҶТ аз 01.10.2008 с.№ 499).

2. Шумораи кормандони Дастгоҳи марказии Хадамоти назорати давлатии санитарию эпидемиологӣ ба миқдори 36 воҳид (бе ҳайати хизматрасон) муқаррар карда шавад (қарори Ҳукумати ҶТ аз 01.10.2008 с.№ 499, аз 05.09.2012 № 478).

3. Ба Хадамоти назорати давлатии санитарию эпидемиологӣ иҷозат дода шавад, ки 2 муовини Директор дошта бошад (қарори Ҳукумати ҶТ аз 01.10.2008 с.№ 499).

4. Барои Хадамоти назорати давлатии сан499499010820001итарию эпидемиологӣ лимити автомашинаҳои сабукрави хизматӣ ба миқдори 3 адад муқаррар карда шавад (қарори Ҳукумати ҶТ аз 01.10.2008 с.№ 499).

5. Маблағгузории Хадамоти назорати давлатии санитарию эпидемиологӣ аз ҳисоби маблағҳои буҷети ҷумҳуриявӣ ва дигар маблағҳо дар мувофиқа бо Вазорати молияи Ҷумҳурии Тоҷикистон анҷом дода шавад (қарори Ҳукумати ҶТ аз 01.10.2008 с.№ 499).