ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2006"

Моддаи 1. Ба Қонуни Ҷумҳурии Тоҷикистон аз 9 декабри соли 2005 "Дар бораи Буҷети давлатии Ҷумҳурии Тоҷикистон барои соли 2006" (Ахбори Маҷлиси Олии Ҷумҳурии Тоҷикистон, соли 2005, № 12, моддаи 627; соли 2006, № 7, моддаи 337; № 10, моддаи 410) тағйиру иловаҳои зерин ворид карда шаванд:

1. Ба моддаи 5 қисми 3 бо мазмуни зайл илова карда шавад:

"Андози даромад аз шахсони воқеӣ ва андоз аз истифодабарандагони роҳҳои автомобилгард, ки аз нақшаи тасдиқгардида барзиёд ба буҷети маҳаллии шаҳри Турсунзода аз ҳисоби Заводи алюминии Тоҷикистон ворид мегарданд, ба Буҷети ҷумҳуриявӣ пардохт мешаванд.",

2. Ба моддаи 6 қисми нав дар таҳрири зайл илова карда шавад:

"Мазути камсулфур ба миқдори 30000 тонна, ки Ширкати саҳҳомии холдинги кушодаи "Барқи Тоҷик" барои эҳтиёҷоти Ҷамъияти саҳҳомии шакли кушодаи "Маркази барқу гармидиҳии шаҳри Душанбе" ворид менамояд, аз андози аксизӣ ва андоз аз арзиши иловашуда озод карда шавад.".

3. Моддаи 7 дар таҳрири зайл ифода карда шавад.

"Андозбандии Заводи алюминии Тоҷикистон мувофиқи қонунгузории Ҷумҳурии Тоҷикистон амалӣ карда шавад.".

Моддаи 2. Қисмҳои 1 ва 3 моддаи 1 Қонуни мазкур аз 1 январи соли 2006 ва қисми 2 аз 1 апрели соли 2006 мавриди амал қарор дода шаванд.