Бо қарори Ҳукумати ҶТ аз 26.07.2000с. № 322 беэътибор дониста шуд

Низомномаи Хадамоти давлатии муҳоҷирати назди Вазорати меҳнат ва шуғли аҳолии Ҷумҳурии Тоҷикистон

1. Хадамоти давлатии муҳоҷирати назди Вадорати меҳнат ва шуғли аҳолии Ҷумҳурии Тоҷикистон (минбаъд Хадамоти давлатии муҳоҷират) мақоми идораи давлатӣ - вориси ҳуқуқии-Саридораи оид ба корҳои гурезаҳо ва муҳоҷирони ҳамин вазорат мебошад, ки ӯҳдадор, аст, таҳти роҳбарии Вазорати меҳнат ва шуғли аҳолии Ҷумҳурии Тоҷикистон сиёсати ягонаи Ҷумҳурии Тоҷикистонро дар соҳаи муҳоҷират пеш барад.

2. Асоси ҳуқуқии фаъолияти Хадамоти давлатии муҳоҷират Конститутсия ва қонунҳои Ҷумҳурии Тоҷикистон, қарорҳои Маҷлиси Олии Ҷумҳурии Тоҷикистон, Президенти Ҷумҳурии Тоҷикистон, Ҳукумати Ҷумҳурии Тоҷикистон, асноди байналхалқии ҳуқуқии аз ҷониби Ҷумҳурии Тоҷикистон эътирофгардида, асноди идораи Вазорати меҳнат ва шуғли аҳолии Ҷумҳурии Тоҷикистон ва ҳамин Низомнома мебошад.

3. Мақсади асосии Ҳадамоти давлатии муҳоҷират идораи равандҳои муҳоҷират дар Ҷумҳурии Тоҷикистон мебошад.

4. Бо мақсади иҷрои вазифаҳои ба ӯҳдааш гузошташуда, Хадамоти давлатии муҳоҷират:

иҷрои қонунҳои Ҷумҳурии Тоҷикистон, дигар асноди меъёрии ҳуқуқӣ ва ӯхдадориҳои байналхалқии Ҷумҳурии Тоҷикистон оид ба масъалаҳои муҳоҷиратро таъмин менамояд;

якҷоя бо вазорату идораҳо ва мақомоти ҳокимияти иҷроия дар маҳалҳо ҳифзи ҳуқуқ ва манфиатҳои муҳоҷирон, гӯрезаҳо, муҳоҷирони иҷборӣ ва ғайраро мутобиқи стандартҳои эътирофгардидаи байналхалқӣ, Конститутсия ва қонунҳои Ҷумҳурии Тоҷикистон таъмин намуда, фаъолияти онҳоро оид ба ҳалли ин масъалаҳо ҳамоҳанг месозад;

оид оа такмил ва рушди асоси қонунгузорие, ки муҳоҷиратро танзим менамояд, мулоҳизот пешниҳод намуда, якҷоя бо дигар вазорату идораҳои дахлдор сохторн ягонаи назорати муҳоҷират ва маҳзани ягонаи ахборотро таъсис медиҳад;

дурнамои равандҳои муҳоҷиратро дар Ҷумҳурии Тоҷикистон муайян мекунад, лоиҳаи барномаҳон давлатию минтақавиро оид ба идораи равандҳои муҳоҷират таҳия, намуда, сари вақт бо тартиби муқарраргардида ба Вазорати меҳнат ва шуғли аҳолии Ҷумҳурии Тоҷикистон мулоҳизоти дахлдорро ҷиҳати баррасӣ ва тасдиқи он дар Ҳукумати Ҷумҳурии Тоҷикистон пешниҳод мекунад;

ба тараққиёти демографӣ бо роҳи танзими ҷараёни муҳоҷират ва бо дарназардошти тағъири зербинои мамлакат ва минтақаҳои он, инчунин манфиатҳои тараққиёти иҷтимоию иқтисодии он мусоидат менамояд;

дар якҷоягӣ бо мақомоти идораи давлатӣ дар маҳаллҳо ба рушди маданият, тақвими байни миллату халқиятҳо дар маҳалли ҷойгиршавии муҳоҷирон, ба инкишофи ҳисси эҳтиром нисбат ба қонунҳои Ҷумҳурии Тоҷикистон ва расму анъанаҳои халкҳои сокини Тоҷикистон мусоидат мекунад;

ба таҳкими равобити шаҳрвандони Тоҷикистон ва ҳамватанони дар муҳоҷиратбудаи онҳо мусоидат мекунад;

манфиатҳои демографӣ, иҷтимоию иқтисодӣ ва ғайраи мамалакатро ҳангоми муҳоҷират ба ҳисоб мегирад;

ба ҳамҷояшавии иҷтимоию иқтисодӣ ва фарҳангии муҳоҷирон мусоидат мекунад;

мақоми гурӯҳҳои гуногуни муҳоҷиронро муайян намуда, якҷоя бо мақомоти ҳокимияти иҷроия дар маҳалҳо барои ҷойгиршавӣ ва омӯхташавии муваққатӣ ё доимии онҳо шароит муҳайё месозад;

оид ба муқаррар намудани квотаи муҳоҷират бо тартиби муқарраргардида мулоҳизот пешниҳод мегардад, ки мутобиқи онҳо ҳусни таваҷҷӯҳ ба муҳоҷироне зоҳир карда мешавад, ки муҳоҷирати онҳо ба манфиатҳои демографӣ ва иҷтимоию иқтисодии мамлакат ҷавобгӯ бошад;

ҳамкории мақомоти Хадамоти давлатии муҳоҷиратро бо дигар мақомоти ҳокимият ва идораи давлатӣ, ташкилоту муассисаҳо, ташкилотҳои маҳалии ғайриҳукуматӣ ва ташкилотҳои минтақавию байналхалқии дигар таъмин мекунад;

ҷиҳати идораи ихтисосноки равандҳои муҳоҷират сохтори ягонаи давлатии иттилоотии ҷамъоварӣ, коркард ва паҳн намудани маълумотро ташкил дода, ҷорӣ менамояд;

оид ба фароҳам овардани шароити сиёсӣ, ҳуқуқӣ ва иҷтимоию иктисодӣ ҷиҳати бо ихтиёри худ, бехатар ва сазовор ба ҷойҳои истиқомати пешина ё ҷойҳои зисти нав интихоб кардашуда, баргаштани гурезагон-шаҳрвандони Ҷумҳурии Тоҷикистон ва ашхоси дар дохили мамлакат тағъири ҷойнашуда, мулоҳизот пешниҳод мекунад;

якҷоя бо вазорату идораҳо, мақомоти ҳокимияти иҷроияи дар маҳалҳо бо мадади ташкилотҳои байналхалқӣ ва ташкилотҳои ғайриҳукуматӣ дар маҳалҳо дар бораи ба тарзи зиндагии осоишта баргардонидани муҳоҷирон, шуғли онҳо ва реинтеграцияи онҳо лоиҳаи барномаҳои мухсусро таҳия менамояд;

оид ба тақсимоти маблағҳои молиявӣ ва моддие, ки аз ҷониби Ҳукумати Ҷумҳурии Тоҷикистон, ташкилотҳои байналхалқӣ, корхонаҳо, муассисаҳо ва ашхоси алоҳида ҷиҳати кӯмаки муҳоҷирон, аз ҷумла гурезаҳо ва ашхоси дар дохили мамлакат тағъири ҷойнамуда мерасанд, мулоҳизот пешниҳод мекунад;

ба муҳоҷирони экологӣ ва иҷтимоию иқтисодӣ мусоидат, намуда, якҷоя бо мақомоти дахлдор тибқи манфиатҳои мамлакат ва минтақаҳои он бо кӯчонидан ва ҷобаҷогузории онҳо машғул мешавад;

дар ҳамкорӣ бо мақомоти дахлдор дар таҳияи пешниҳодот оид ба ташкили системаи ҳифзи иҷтимоии муҳочирони меҳнатӣ, ширкат меварзад;

бо ёрии ташкилотҳои байналхалқӣ шабакаҳои компьютерӣ ва автоматиконидашудаи назорат аз болои равандҳои муҳоҷиратро таъсис медиҳад;

Хадамоти давлатии муҳоҷират ва мақомоти он дар маҳалҳоро бо таҷҳизоти навтарин ва тайёр намудани кадрҳои дахлдор таъмин менамояд;

оид ба тарафҳои муайяни идораи равандҳои муҳоҷират конференцияҳо ва семинарҳои машваратӣ ташкил менамояд;

бо тартиби муқаррарнамудаи қонунгузорӣ мулоҳизот, арзу шикоятҳои шаҳрвандонро оид ба масъалаҳое, ки ҳалли онҳо мутобиқи ҳамин Низомнома ба зиммаи ӯ гузошта шудааст, баррасӣ намуда, ба онҳо ҷавоб мегардонад ва чораҳои зарурӣ меандешад;

5. Хадамоти давлатии муҳоҷиратро Роҳбар сарварӣ мекунад, ки аз ҷониби Вазири меҳнат ва шуғли аҳолии Ҷумҳурии Тоҷикистон таъин ва аз вазифа озод карда мешавад.

Бо пешниҳоди Роҳбари Ҳадамоти давлатии муҳоҷират муовинони роҳбар аз ҷониби Вазири меҳнат ва шуғли аҳолии Ҷумҳурии Тоҷикистон таъин карда мешаванд.

Роҳбари мақомоти вилоятӣ, шаҳрӣ ва ноҳиявии Хадамоти давлатии муҳоҷират, инчунин коркунони дигари хадамот аз ҷониби Роҳбари Хадамоти давлатии муҳоҷират бо мувофиқаи раисони ҳукуматҳои вилоят, шаҳр ва ноҳияҳо таъин карда мешаванд.

Роҳбари Хадамоти давлатии муҳоҷират ҷиҳати иҷрои вазифаҳои ба ӯҳдааш гузошташуда шахсан масъул буда, дараҷаи масъулияти муовинони роҳбар ва роҳбарони воҳидҳои сохтории Хадамоти давлатии муҳоҷиратро барои роҳбарӣ аз болои фаъолияти он дар соҳаҳои алоҳида муайян менамояд.

Роҳбари Хадамоти давлатни муҳоҷират фармон содир менамояд ва супориш медиҳад, ки аз ҷониби воҳидҳои ба сохтори Хадамотм давлатии муҳоҷират дохилшаванда иҷрои онҳо ҳатмӣ мебошад.

6. Низомнома ва шумораи Хадамоти давлатии муҳоҷират бо пешниҳоди Вазорати меҳнат ва шуғли аҳолии Ҷумҳурии Тоиҷикистон аз ҷониби Ҳукумати Ҷумҳурии Тоҷикистон тасдиқ карда мешавад.

7. Сохтори дастгоҳи марказӣ, нақшаи идора, ҷадвали штатӣ ва хазинаи пардохти музди меҳнати Хадамоти давлатии муҳоҷират аз ҷониби Вазири меҳнат ва шуғли аҳолии Ҷумҳурии Тоҷикистон бо мувофиқаи Вазири молияи Ҷумҳурии Тоҷикистон тасдиқ карда мешавад.

8. Хадамоти давлатии муҳоҷират шахси ҳуқуқӣ буда, дар банк суратҳисоби худ ва мӯҳр бо тасвири Нишони давлатии Ҷумҳурии Тоҷикистон дорад, ки дар он номаш ба забони давлатӣ ва русӣ сабт гардидааст.