Бо қарори Ҳукумати ҶТ аз 3.03.2014 № 148 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи Вазорати тандурустии Ҷумҳурии Тоҷикистон

Мувофиқи моддаи 12 Қонуни конститутсионии Ҷумҳурии Тоҷикисгон "Дар бораи Ҳукумати Ҷумҳурии Тоҷикистон" ва ҷиҳати иҷрои Фармони Президенти Ҷумҳурии Тоҷикистон аз 30 ноябри соли 2006 № 9 "Дар бораи такмили сохтори мақомоти марказии ҳокимияти иҷроияи Ҷумҳурии Тоҷикистон", Ҳукумати Ҷумҳурии Тоҷикистон қарор мекунад:

1. Низомнома, Сохтори дастгоҳи марказӣ, Нақшаи идоракунӣ ва Номгӯи муассисаҳо ва ташкилотҳои системаи Вазорати тандурустии Ҷумҳурии Тоҷикистон тасдиқ карда шаванд (замимаҳои 1,2,3,4).

2. Шумораи кормандони дастгоҳи марказии Вазорати тандурустии Ҷумҳурии Тоҷикистон ба миҷдори 74 воҳид (бе ҳайати хизматрасон) муқаррар карда шавад (қарори Ҳукумати ҶТ аз 30.11.2007 № 603 , аз 30.05.2008 № 282, аз 05.09.2012  № 478).

3. Ба Вазорати тандурустии Ҷумҳурии Тоҷикистон иҷозат дода шавад, ки 3 муовини Вазир, аз он ҷумла як муовини аввал ва ҳайати мушовара иборат аз 7 нафар дошта бошад.

4. Барои Вазорати тандурустии Ҷумҳурии Тоҷикистон лимити автомашинаҳои сабукрави хизматӣ ба миқдори 5 адад муқаррар карда шавад.

5. Муассисаи давлатии "Маркази ҷумҳуриявии дезинфекцияи профилактикӣ" ва Корхонаи воҳиди давлатии ,Ронанда, дар асоси худмаблағгузорӣ таъсис дода шаванд.

6. Вазорати тандурустии Ҷумҳурии Тоҷикистон дар мӯҳлати ду моҳ:

- доир ба ворид намудани тағйиру иловаҳо ба санадҳои соҳавии меъёрии ҳуқуқии Ҷумҳурии Тоҷикистон таклиф пешниҳод намояд;

- санадҳои худро бо қарори мазкур мувофиқ намояд.

7. Қарорҳои зерини Ҳукумати Ҷумҳурии Тоҷикистон беэътибор дониста шаванд:

- аз 29 июни соли 2001 № 321 "Дар бораи Вазорати тандурустии Ҷумҳурии Тоҷикистон";

- аз 30 декабри соли 2005 № 516 "Дар бораи ворид намудани тағйироту иловаҳо ба қарори Ҳукумати Чумҳурии Тоҷикистон аз 29 июни соли 2001 № 321 "Дар бораи Вазорати тандурустии Ҷумҳурии Тоҷикистон";

- аз 3 июни соли 2006 № 260 "Дар бораи ворид намудани тагйиру иловаҳо ба қарори Ҳукумати Ҷумҳурии Тоҷикистон аз 29 июни соли 2001 № 321 "Дар бораи Вазорати тандурустии Ҷумҳурии Тоҷикистон".