ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи баҳисобгирии бухгалтерӣ"

Моддаи 1. Ба Қонуни Ҷумҳурии Тоҷикистон аз 14 майи соли 1999 "Дар бораи баҳисобгирии бухгалтерӣ" (Ахбори Маҷлиси Олии Ҷумҳурии Тоҷикистон, соли 1999, №5, моддаи 63) тағйиру иловаҳои зайл ворид карда шаванд:

1. Дар номи Қонун калимаи "бухгалтерӣ" ба калимаи "муҳосибӣ" иваз карда шавад.

2. Дар матни Қонун калимаҳои "Ашхосе", "ашхоси", "ашхосеро", "бухгалтериро", "бухгалтерӣ", "сарбухгалтер", "сарбухгалтери", "бухгалтерро", "бухгалтерияи", "бухгалтер" ва "бухгалтерии" мутаносибан ба калимаҳои "шахсе", "шахси", "шахсонеро", "муҳосибиро", "муҳосибӣ", "сармуҳосиб", "сармуҳосиби", "муҳосибро", "муҳосиботи", "муҳосиб" ва "муҳосибии" иваз карда шаванд.

3. Моддаи 4 дар таҳрири зайл ифода карда шавад:

"Моддаи 4. Қонунгузории Ҷумҳурии Тоҷикистон дар бораи баҳисобгирии муҳосибӣ

Қонунгузории Ҷумҳурии Тоҷикистон дар бораи баҳисобгирии муҳосибӣ ба Конститутсияи (Сарқонуни) Ҷумҳурии Тоҷикистон асос ёфта, аз Қонуни мазкур, дигар санадҳои меъёрии ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки Ҷумҳурии Тоҷикистон онҳоро эътироф кардааст, иборат мебошад.".

4. Дар қисми 1 моддаи 5 калимаҳои "шартномаҳои байналхалқии" ба калимаҳои "шартномаҳои байналмилалии" иваз карда шаванд.

5. Дар қисми 2 моддаи 6 калимаҳои "асноди" ва "Агентии давлатии омори назди Ҳукумати" ба калимаҳои "санадҳои" ва "Кумитаи давлатии омори" иваз карда шаванд.

6. Дар моддаи 9:

- дар қисми 1 калимаи "пули" ба калимаи "асъори" ва калимаи "рубл" ба калимаи "сомонӣ" иваз карда шавад;

- дар қисми 3 калимаи "юридикӣ" ба калимаи "ҳуқуқӣ" иваз карда шавад.

7. Дар банди е) қисми 2 моддаи 10 калимаи "номи" ба калимаҳои "ному насаб ва мансаби" иваз карда шавад.

8. Дар қисми 5 моддаи 12 калимаи "рубл" ба калимаи "сомонӣ" иваз карда шавад.

9. Дар қисми 2 моддаи 16 калимаҳои "Агентии давлатии омори назди Ҳукумати" ба калимаҳои "Кумитаи давлатии омори" иваз карда шаванд.

10. Дар моддаи 17 калимаҳои "ахбори умум" ба калимаҳои "ахбори омма" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.