ҲУКУМАТИ ҶУМҲУРИИ ТОҶИКИСТОН

Бо қарори Ҳукумати ҶТ аз 2.08.2010с. № 390 аз эътибор соқит дониста шуд

Тартиби гузаронидани муоинаи ҳатмии давлатии техникии воситаҳои наклиети механикӣ, ҳамчунин ядакҳои (нимядакҳои) онҳо, ки дар ҳаракат дар роҳҳои Ҷумҳурии Тоҷикистон ширкат мекунанд

I. Муқаррароти умумӣ

1. Ҳамин Тартиби гузаронидани муоинаи ҳатмии давлатии техникии (минбаъд - муоинаи техникӣ) воситаҳои наклиёти механикие, ки дар ҳаракат дар роҳҳо ширкат мекунанд, ҳамчунин ва ядакҳои (нимядакҳои) онҳо санади ягонаи меъёрие мебошад, ки тавассути он тартиби муоинаи техникии воситаҳои наклиёт дар тамоми каламрави Ҷумҳурии Тоҷикистон мукаррар карда мешавад.

Мутобики Қонуни Ҷумҳурии Тоҷикистон "Дар бораи ҳаракати роҳ" воситаҳои наклиёти механикие, ки аз муоинаи навбатии техникӣ гузаронида нашудаанд, ба истифодаи минбаъда роҳ дода намешаванд.

2. Иҷрои ҳамин Тартиб аз тарафи тамоми корхонаю иттиҳодияҳо ва муассисаю ташкилотҳо, сарфи назар аз шакли ташкилию ҳукукӣ ва шакли моликият, ҳамчунин шаҳрвандони Ҷумҳурии Тоҷикистон, ашхоси ҳукукӣ ва шаҳрвандони хориҷӣ, ашхоси бетабаият, ки воситаи наклиёт ва ядак (нимядак) доранд, ҳатмист.

3. Вазифаҳои асосии муоинаи техникӣ аз арзёебии ҳолати техникии воситаҳои наклиёт, аник кардани шумора, мансубияти онҳо ва дигар маълумоти бакайдгирӣ, амалӣ намудани чорабиниҳо оид ба пешгирӣ ва мубориза бар зидди касдҳои ҷинояткорона ба воситаҳои наклиёт иборатанд. Хангоми муоинаи техникӣ ҳамчунин назорати сари вакт аз муоинаи тиббӣ гузаштани ронандагон суғуртаи ҳатмии масъулияти шаҳрвандӣ ва тафтиши пардохта шудани маблағҳои мукарраргардидаи андоз, ки аз соҳибони воситаҳои наклиёт ситонида мешаванд, анҷом дода мешавад (Қарори Ҳукумати ҶТ аз 1 октябри соли 2007 № 512).

4. Муоинаи техникии ҳамаи воситаҳои наклиёт, аз ҷумла воситаҳои наклиёти ашхоси ҳукукӣ, намояндагиҳои давлатхои хориҷӣ (ғайр аз намояндагиҳои дипломатӣ, консулгариҳо ва дигар намояндагиҳое, ки мутобики меъёрҳои ҳукуки байналхалкӣ имтиёзот ва масуният доранд, кормандони ин намояндагиҳо ва аъзои оилаҳои онҳо) 1 бор дар як солдар давраи аз 1 январ то 31 август анҷом дода мешавад.

Тартиби муоинаи техникии тракторҳо, ядакҳо ва нимядакҳоеро, ки дар баланси хоҷагиҳо ва дигар корхонаҳои кишоварзӣ, хочагиҳои деҳконӣ ва ғайра карор доранд, ҳамчунин воситаҳои зикршуда, ки дар моликияти шахсии шаҳрвандон мебошанд, Ҳукумати Ҷумҳурии Тоҷикистон мукаррар мекунад.

Воситаҳои нақлиёти автомобилӣ баъди бақайдгирӣ дар ҷузъу томҳои бақайдгирию имтиҳонотии Бозрасии давлатии автомобилии Вазорати корҳои дохилии Ҷумҳурии Тоҷикистон бояд дар давоми 7 шабонарӯз аз муоинаи ҳатмии давлатии техникӣ гузаранд (Қарори Ҳукумати ҶТ аз 1 октябри соли 2007 № 512).

5. Муоинаи техникии воситаҳои наклиёте, ки бо интиколи одамон (автобусҳо, микроавтобусҳо ва автомобилёҳои боркаше, ки барои интиколи мунтазами одамон бо шумораи зиёда аз 8 нафар, ғайр аз ронанда таҷҳизонида шудаанд) ва борҳои хатарнок машғуланду ба корхонаҳо ва шаҳрвандон тааллук доранд, ҳамчунин воситаҳои нақлиёти корхонаҳое, ки ба иҷора дода шудаанд, аз тарафи Бозрасии давлатии автомобилии Вазорати корҳои дохилии Ҷумҳурии Тоҷикистон 2 дафъа дар як сол - аз 1 март то 31 май ва аз 1 сентябр то 30 ноябр гузаронида мешавад (Қарори Ҳукумати ҶТ аз 1 октябри соли 2007 № 512).

6. Муоинаи техникии воситаҳои наклиёт ва ядакҳои (нимядакҳои) онҳо аз тарафи Бозрасии давлатии автомобилӣ ё комиссияҳои ваколатдори корхонаҳо ташкил карда ва гузаронида мешавад.

7. Станцияҳои хизматрасонии техникӣ ва дигар корхонаҳо (минбаъд СХТ), ки барои тафтиши ҳолати техникии воситаҳои наклиёт пеш аз муоинаи давлатии техникӣ иҷозати Бозрасии давлатии автомобилиро доранд (Замимаи № 1 ба ҳамин Тартиб) метавонанд ҳолати техникии воситаҳои наклиётро пеш аз муоинаи техникӣ анҷом диҳанд.

II. Чорабиниҳо доир ба омодасозии муоинаи техникӣ

8. Бозрасии давлатии автомобилӣ бо дарназардошти мулоҳизоти корхонаҳои манфиатдор то 1 январи ҳар сол ҷадвали маҷмӯии муоинаи техникии воситаҳои наклиётро барои ноҳия (шаҳр) тартиб медиҳад, ки он бояд маълумотро дар бораи ҷойҳо, рӯзҳои таквимӣ ва вакти гузаронидани муоинаи техникӣ дар бар гирад. Нусхаи ҷадвали мазкур мувофики таксимоти ҳудудӣ ба комиссариати ҳарбии ноҳия фиристода мешавад.

Бозрасии давлатии автомобилӣ дар мӯҳлати зикршуда ба маъмурияти корхонаҳо варакаҳои маълумотро дар бораи натиҷаҳои муоинаи техникии воситаҳои наклиёт ва ба корхонаҳои дигар варакаҳои акти муоинаи техникиро (Замимаҳои № 2 ва № 3 ба ҳамин Тартиб) мефиристад.

9. Бозрасии давлатии автомобилӣ вазифадор аст, ки якҷоя бо корхонаҳои манфиатдор тавассути воситаҳои ахбори умум соҳибони воситаҳои наклиётро дар хусуси тартиби пешниҳоди воситаҳои наклиёт ба муоинаи техникӣ хабардор намояд.

10. Муоинаи техникии воситаҳои наклиёти соҳибони инфиродӣ дар мӯҳлатҳои муқаррарнамудаи Бозрасии давлатии автомобилии маҳалли бакайдгири ё маҳалли бакайдгирии муваккатии воситаҳои, наклиёт дар вакти барои шаҳрвандон мувофик гузаронида мешаванд (Қарори Ҳукумати ҶТ аз 1 октябри соли 2007 № 512).

Вақти гузаронидани муоинаи техникии навбатии хар як воситаи нақлиёт аз тарафи Бозрасии давлатии автомобилӣ ҳангоми гузаронидани муоинаи техникии он муайян карда мешавад (Қарори Ҳукумати ҶТ аз 1 октябри соли 2007 № 512).

11. Ҷои гузаронидани муоинаи техникии воситаҳои наклиёт аз тарафи Бозрасии давлатии автомобилӣ муайян карда мешавад ва он метавонад, нуктаи назорати техникӣ; станқияи ташхисотии Бозрасии давлатии автомобилӣ; ҳудуди гаражи умумӣ, корхона ва ғайра, ки барои санҷиши ҳолати техникии воситаҳои наклиёт шароити зарурӣ дорад, бошад.

12. Маъмурияти корхона дар варакаи санади муоинаи техникӣ рӯйхати воситаҳои наклиётро бо зикри маълумоти зарурӣ (ғайр аз хулоса дар бораи ҳолати техникӣ) тартиб медиҳад, онро бо тартиби мукарраршуда тасдик мекунад ва на дертар аз 10 рӯз пеш аз оғози муоина ба Бозрасии давлатии автомобилӣ пешниҳод менамояд.

13. Ҳангоми гузаронидани муоинаи техникӣ дар корхонаҳо бо мувофиқаи роҳбарон барои санҷиши ҳолати техникии воситаҳои наклиёт метавонанд ашхоси мансабдор ва кормандони инженерию техникии ин корхонаҳо ҷалб карда шаванд.

III. Тартиби пешниҳоди воситаҳои наклиёти ба муоинан давлатии техникӣ

14. Воситаҳои наклиёти корхонаҳо, ки бо сабаби набудани кисмҳои эҳтиётӣ ё сӯзишворию равғанҳои молиданӣ истифода бурда намешаванд, аз муоинаи техникӣ гузаронида намешаванд ва дар бобати мукоисаи ракамҳои агрегатҳои онҳо бо маълумоти шаҳодатномаи бакайдгирӣ (талони техникӣ) аз назар гузаронида мешаванд. Ракамҳои бакайдгирии давлатӣ ва талони техникии чунин воситаҳои наклиёт ба Бозрасии давлатии автомобилӣ супорида мешаванд ва то бартараф намудани камбудиҳо нигоҳ дошта мешаванд. Пардохти маблағҳои мукарраршудаи андозе, ки аз соҳибони воситаҳои наклиёти мазкур ситонида мешаванд, бо макомоти маҳаллии андоз дар асоси Кодекси андози Ҷумҳурии Тоҷикистон мувофика карда мешававд (Қарори Ҳукумати ҶТ аз 1 октябри соли 2007 № 512).

15. Соҳибони инфиродии воситаҳои наклиёт вазифадоранд, ки воситаҳои наклиёти ба онҳо тааллукдоштаро дар мӯҳлат ва ҷои муайяннамудаи Бозрасии давлатии автомобилӣ барои муоинаи техникӣ пешниҳод намоянд (Қарори Ҳукумати ҶТ аз 1 октябри соли 2007 № 512).

16. Бозрасии давлатии автомобилӣ муоинаи техникии воситаи наклиёти соҳиби инфиродиро танҳо баъди аз тарафи ронанда - соҳиби воситаи наклиёт (ё аз номи соҳиб аз тарафи намояндае, ки ваколатномаи бо тартиби мукарраргардида тасдикшуда дар бораи ҳукуки ихтиёрдории воситаи наклиёт ё шаҳодатнома оид ба ҳукуки моликияти умумӣ ба воситаи наклиёт) пешниҳод карда шудани асноди зерин анҷом медиҳад,

- шиносномаи шахсӣ (хизматчии ҳарбӣ гувоҳномаи шахсӣ ва тасдикнома аз ҷои истикоматро пешниҳод мекунад);

- ҳуҷҷатҳои ронандагӣ бо кайдҳои иҷозатдиҳандаи ҳукуки идоракунии воситаи наклиёте, ки ба муоинаи техникӣ пешниҳод карда шудааст (Қарори Ҳукумати ҶТ аз 1 октябри соли 2007 № 512);

- шаҳодатномаи бакайдгирӣ (талони техникӣ);

- тасдикномаи тиббии намунаи мукарраршуда дар бораи кобилияти идоракунии воситаи наклиёт;

- хати расид (супоришномаи пардохт) дар бораи пардохти андоз, хироҷе, ки тибқи Қонуни Ҷумҳурии Тоҷикистон "Дар бораи дигар пардохтҳои ҳатмӣ ба буҷет" муайян карда шудааст ва полиси суғуртаи ҳатмии масъулияти шаҳрвандӣ аз соҳибони воситаҳои нақлиёт (Қарори Ҳукумати ҶТ аз 1 октябри соли 2007 № 512).

Ҳангоми гузаронидани муоинаи техникии воситаҳои наклиёте, ки ба корхонаҳо тааллук доранд, асноди зерин тафтиш карда мешаванд, мавҷуд будани шаҳодатномаи ронандагӣ, шаҳодатномаи бакайдгирӣ (талони техникӣ), супоришномаҳои пардохти маблағ барои муоинаи техникӣ.

17. Соҳибоне, ки тасдикномаи СХТ-ро дар бораи ҳолати фаъоли техникии воситаи наклиёт, ки дар (Замимаи № 4) ба ҳамин Тартиб зикр шудааст, доранд, онро якҷоя бо асноди дар бандн 16 ҳамин Тартиб зикршуда барои барасмиятдарории натиҷаҳои муоинаи техникӣ дар мӯҳлати 30 шабонарӯз аз рӯзи дода шудани тасдикнома, аммо на дертар аз муҳлатҳои дар бандҳои 4.5 ҳамин Тартиб зикргардида ба Бозрасии давлатии автомобилӣ пешниҳод мекунанд.

18. Дар сурате, ки дар мӯҳлати муқаррарнамудаи бандҳои 4.5 ҳамин Тартиб расонидани воситаи наклиёт ба ҷои гузаронидани муоинаи техникӣ бо ҳаракати худи воситаи наклиёт аз имкон берун аст (бо сабаби ғайрифаъол будани он, набудани кисмҳои эҳтиётӣ ва гайра), соҳиби он ба Бозрасии давлатии автомобилӣ аризаи хаттӣ ва асноди дар банди 16 ҳамин Тартиб зикршударо (ба истиснои ҳуӣӣатхои ронандагӣ, хати расид дар бораи пардохти боҷ барои муоинаи техникӣ ва тасдикномаи тиббӣ) пешниҳод мекунад ва бояд ракамҳои бакайдгирии давлатӣ ва талони пешинаи муоинаи техникиро супорад. Ба соҳиби инфиродӣ нусхаи санади муоинаи техникии воситаи наклиёт (Замимаи № 5 ба ҳамин Тартиб) бо кайд дар бораи супорида шудани ракамҳои бакайдгирӣ ва талони муоинаи техникӣ дода мешавад (Қарори Ҳукумати ҶТ аз 1 октябри соли 2007 № 512).

19. Баъди бартараф кардани камбудиҳо соҳиби воситаи наклиёт онро барои муоинаи техникӣ такрорӣ пешниҳод мекунад. Дар айни замон нусхаи санади пештар додашударо дар бораи супоридани ракамҳои бакайдгирӣ ва талони пешинаи муоинаи давлатии техникӣ, ҳамчунин асноди дар банди 16 ҳамин Тартиб зикргардидаро пешниҳод мекунад. Барои воситаи наклиёте, ки фаъол дониста шудааст, ракамҳои пештар супоридашудаи бакайдгирӣ ва талони муоинаи техникӣ дода мешаванд.

IV. Тартиби гузаронидани муоинаи техникӣ

20. Муоинаи техникии ҳар як воситаи наклиёт бояд аз тафтиши мутобикат доштани навъ, модел, ракамҳои бакайдгарӣ, ракамҳои ҳаммонанди шасси (бадана), кузов ва муҳаррик бо маълумоте, ки дар шаҳодатномаи бакайдгирӣ (талони техникӣ) дарҷ шудааст, огоз гардад.

21. Дар. сурати ошкор гардидани аломатҳои сохтакории асноди бакайдгирӣ ё асноди ҳукуки соҳибӣ, истифода ё идоракунии воситаи наклиёт, аз ҳамдигар фарк доштани ракамҳои агрегатҳо бо кайдҳои шаҳодатномаи бакайдгирии воситаи наклиёт (талони техникӣ) ва дигар асноди бакайдгирӣ, аломатҳои нест кардан ё бе иҷозат гузоштани ракамҳо ба агрегатҳо ва кисмҳо, санадҳо гирифта шуда, воситаи наклиёт бо тартиби мукарраршуда боздошт карда мешавад. Бо максади сабт кардани сохтакории ошкоршуда дар ҳузури шоҳидон санад тартиб дода, аз ронандаи (соҳиби) воситаи наклиёт баёнот гирифта мешавад. Маводи аввалияи ҷамъовари-шуда аз тарафи сардори макоми корҳои дохилии шаҳр (ноҳия) баррасӣ карда мешавад.

22. Дар воситаҳои наклиёте, ки радиостанқия, радиотелефон ё дигар олоти радиоэлектронии таъиноти ба онҳо монанд доранд (гайр аз радиоприёмник, магнитофон ва телевизорҳо), мавҷуд будани иҷозатномаи Бозрасии давлатии алокаи электронии Вазорати наклиёт ва коммуникатсияи Ҷумҳурии Тоҷикистон тафтиш карда мешавад (Қарори Ҳукумати ҶТ аз 1 октябри соли 2007 № 512).

23. Ҳолати техникӣ ва таҷҳизоти воситаҳои наклиёт бо максади мутобикат доштани онҳо ба талаботи Коидаҳои ҳаракат дар роҳ, стандартҳо, коидаҳои баҳрабардории техникӣ, дастуруламалҳои корхонаҳои истеҳсолкунанда, асноди бакайдгирӣ ва дигар санадҳои меъёрию техникӣ тафтиш карда мешавад (Замимаи № 6 ба ҳамин Тартиб).

24. Ҳангоми муоинаи техникии воситаҳои наклиёти хадамоти махсус ва оперативӣ мавҷудият, фаъолият ва конунӣ будани насби сигналҳои махсуси нурӣ ва овозӣ тафтиш карда мешавад.

25. Ҳангоми муоинаи автомобилҳое, ки бо сӯзишвории газҳ кор мекунанд, баъди хатми мӯҳлати якуми муоинаи баллонҳо, ҳамчунин баъди фалокатҳои роҳу наклиётӣ ва дигар ҳолатҳои вобаста ба насб кардану ҷудо карда гирифтани баллонҳо ва таҷҳизоти сузишворӣ санади санҷиши таҷҳизоти сӯзишвории ин автомобилёҳо мувофики Шартхои техникии амалкунанда талаб карда мешавад (Қарори Ҳукумати ҶТ аз 1 октябри соли 2007 № 512).

26. Ҳангоми муоинаи воситаҳои наклиёте, ки дар корхонаҳои гайри саноати автомобилсозӣ сохта ё аз нав таҷҳизонида шудаанд ва дар ҷараёни сохтан ё аз нав таҷҳизонидан андозаҳо ва меъёрҳои вазни онҳо; системаи тормоз, ҷойҳои насбкунӣ, дидашавандагӣ, хусусиятҳои нурӣ ва рангии олоти рӯшноидиҳӣ ва аломатҳои нурӣ; кисми ҳаракатӣ; зимоми идоракунӣ, ҳамчунин кисмҳои таркибии сохтмон, ки дидашавандагӣ, бехатарии гайрифаъол ва баъдисадамавиро таъмин мекунанд, тағир дода шудаанд, гайр аз ҳолати техникии воситаҳои наклиёт мувофика карда шудани сохтмони онҳо бо шӯъбаҳои дахлдори Бозрасии давлатии автомобилӣ тафтиш карда мешавад. Агар сохтан ё аз нав таҷҳизонидан бе мувофика кардани сохтмон анчом дода шуда бошад, истифодаи чунин воситаҳои наклиёт (бо кушода гирифтани ракамҳои бакайдгирии давлатӣ) то ба талаботи стандартҳо мутобик намудани онҳо манъ карда мешавад.

27. Ҳолати техникии ядакҳо (нимядакҳо) ҳам дар ҳайати автопоездҳо ва ҳам дар алоҳидагӣ (барои санҷидани дурустии дастгоҳи кашанда) тафтиш карда мешавад.

28. Ҳангоми муоинаи техникии воситаҳои наклиёте, ки истифодаи онҳо муваккатан ба таъхир андохта шудааст, муҷаҳҳаз будани онҳо тафтиш карда мешавад. Дар сурати ба вуҷуд омадани шубҳа дар масъалаи фаъолияти воситаи наклиёт кобилияти кории муҳаррик ва трансмиссияи он бе фаровардани воситаи наклиёт аз зермонакҳо тафтиш карда мешавад.

29. Воситаҳои наклиёте, ки ҳатто ба яке аз талаботи банди 23 ҳамин Тартиб мутобик нестанд, гайрифаъол дониста мешаванд ва истифодан онҳо бо кушода гирифтани рақами бақайдгирии давлатӣ, то ислоҳ намудани норасоиҳо манъ карда мешавад.

30. Ба соҳибони ҳамаи воситаҳои наклиёте, ки аз муоинаи техникӣ гузаронида шудаанд, Бозрасии давлатии автомобилй талони муоинаи техникӣ (Замимаи № 8 ба ҳамин Тартиб) медиҳад, ки онро бозраси давлатии автомобилии назорати техникӣ бо имзои худ ва мӯҳри ракамдори шахсӣ тасдик мекунад.

Воситаи наклиёти нав, ки маротибаи аввал дар кайди макомоти Бозрасии давлатии автомобилҳ гирифта мешавад, инчунин дар давраи эътиборнокии талони муоинаи техникҳ иваз шудани сохиб ё раками бакайдгирии давлатии воситаи наклиёт, талони муоинаи техникҳ аз тарафи ӣузъу томхои бакайдгирию имтихонотии Бозрасии давлатии автомобилии махали бакайдгирҳ бе санӣиши холати техникҳ дода мешавад (Қарори Ҳукумати ҶТ аз 1 октябри соли 2007 № 512).

31. Дар сурати гум шудан ё гайри кобили истифода гардидани талони муоинаи техникӣ Бозрасии давлатии автомобилӣ нусхаи дуюми онро баъди тафтиши асноди бакайдгирӣ, ҳолати техникии воситаи наклиёт ва пешниҳоди хати расид дар бораи пардохти боҷ барои муоинаи техникии такрорӣ медиҳад.

32. Ҳангоми гузаронидани муоинаи техникии такрорӣ, ки дар мӯҳлатҳои дар банди 5 ҳамин Тартиб зикргардида анҷом дода шудааст, талони муоинаи техникӣ бо талони нав иваз карда мешавад, ки дар он санаи муоинаи техникии навбатӣ сабт мегардад.

33. Муоинаи техникии воситаҳои наклиёте, ки дар кайди муваккатӣ мебошанд, аз тарафи Бозрасии давлатии автомобилии маҳалли кайди муваккатии воситаи наклиёт анҷом дода мешавад.

34. Идоракунии воситаҳои наклиёте, ки аз муоинаи техникӣ дар мӯҳлатҳои мукаррарнамудаи бандҳои 4 ва 5 ҳамин Тартиб гузаронида нашудаанд, аз тарафи Бозрасии давлатии автомобилӣ бо кушода гирифтани ракамҳои бакайдгирии давлатӣ манъ карда мешавад ва гунаҳкорон мутобики конуни амалкунанда ба ҷавобгарии маъмурӣ кашида мешаванд.

35. Барои гузаронидани муоинаи техникии воситаҳои наклиёт корхонаҳо бояд олот ва таҷҳизоти фаъоли назоратию андозагирӣ, стенди саккоӣ барои санҷиши системаи тормози корӣ ва дастӣ, олоти санҷиши идораи зимом (люфтомер), олоти санҷиши танзими нури чарогҳо, олот барои муайян кардани заҳрнокӣ ва гилзати дуди хориҷнамудаи автомобилёҳоро дошта бошанд.

36. Кормандони корхонаҳо дар асоси ҷадвали умумии Бозрасии давлатии автомобилӣ ҷадвалҳои худро таҳия мекунанд, ки дар онҳо бояд маълумот оид ба ҷойҳо, рӯзҳои таквимӣ, вақти гузаронидани муоинаи давлатии техникӣ ва микдори воситаҳои наклиётӣ дар давома ҳар як рӯз муоинашаванда инъикос карда шаванд.

V. Ташкил ва гузаронидани муоинаи техникии воситаҳои наклиёт дар корхонаҳо

37. Баъди аз тарафи роҳбари корхона тасдик шудани ҷадвали муоинаи техникӣ, нусхаи он ба Бозрасии давлатии автомобилии маҳалли кайди доимии (муваккатии) воситаҳои наклиёт ва комиссариатҳои ҳарбӣ мувофики таксимоти ҳудудӣ фиристода мешавад.

38. Ба маъмурияти корхона бе мувофикаи Бозрасии давлатии автомобилӣ ва комиссариати ҳарбӣ тагёир додани мӯҳлатҳои гузаронидани муоннаи техникӣ манъ аст.

39. Мӯҳлатҳои таҳия ва пешниҳоди ҷадвалҳои муоинаи техникии воситаҳои наклиёт, ки мувофики бандҳои 4 ва 5 ҳамин Тартиб гузаронида мешавад, бо мувофикаи воҳидҳои маҳаллии Бозрасии давлатии автомобилӣ мукаррар карда мешаванд.

40. Барои гузаронидани муоинаи техникии воситаҳои наклиёт дар корхонаҳо комиссия (комиссияҳо) таъсис дода мешавад. Ба ҳайати он намояндагони маъмурият, персонали инженерию техникӣ, ашхоси мансабдори масъули баҳрабардорӣ ва ҳолати техникии воситаҳои наклиёт ва дар мавриди зарурат намояндагони созмонҳои ҷамъиятӣ дохил карда мешаванд. Шумораи аъзои комиссия набояд аз 3 нафар кам бошад. Яке аз роҳбарони корхона, ки масъули баҳрабардорӣ ва ҳолати техникии воситаҳои наклиёт мебошад, раиси комиссия таъин карда мешавад. Ҳайати комиссия оид ба гузаронидани муоинаи техникӣ ва тартиби кори он бо фармони (амри) корхона эълон карда мешавад.

41. Ба сафари хизматӣ фиристодани воситаҳои наклиёте, ки дар давраи бо ҷадвал мукарраргардида аз муоинаи техникӣ гузаронида нашудаанд, манъ аст.

42. Муоинаи техникии воситаҳои наклиётро комиссияҳои корхонаҳо мегузаронанд. Кормандони Бозрасии давлатии автомобилӣ дар мавриди зарурат метавонанд ба комиссияҳо кӯмаки методӣ ва амалӣ расонанд. Намояндагони комиссариатҳои ҳарбӣ дар тафтиши ҳолати техникии воситаҳои наклиёт дар ҳолатҳои зарурӣ иштирок мекунанд.

43. Муоинаи техникии ҳар як воситаи наклиёт бо тартиби мукаррарнамудаи бандҳои 1 - 3 ҳамин Тартиб гузаронида мешавад.

44. Воситаҳои наклиёте, ки аз маҳалли кайди доимӣ ба дигар ҷумҳурӣ, вилоят ва ноҳия ба мӯҳлати зиёда аз 2 моҳ рафтаанд (ба истиснои воситаҳои наклиёте, ки ба ҷамъоварии ҳосил ҷалб карда шудаанд), дар Бозрасии давлатии автомобилии маҳалли кайди муваккатии онҳо дар мӯҳлатҳои барои корхонаҳои асосӣ мукарраргардида аз муоинаи техникӣ гузаронида мешаванд (Қарори Ҳукумати ҶТ аз 1 октябри соли 2007 № 512).

45. Воситаҳои наклиёте, ки ба дигар корхонаҳо ё шаҳрвандон ба кироя дода шудаанд, дар корхонаи асосӣ ё Бозрасии давлатии автомобилии маҳалли кайди муваккатии онҳо дар мӯҳлатҳои барои корхонаҳои асосӣ мукарраргардида аз муоинаи ҳатмии техникӣ гузаронида мешаванд.

VI. Тартиби тафтиши ҳолати техникии воситаҳои наклиёт дар станқияҳои хизматрасонии техникӣ (СХТ) пеш аз муоинаи техникӣ

46. Омода будани СХТ барои аз муоинаи техникӣ гузаштани воситаҳои нақлиёт аз тарафи Бозрасии давлатии автомобилӣ мувофики дархости СХТ бо роҳи тафтиши мавҷудияти таҷҳизоти назоратии дахлдор, асноди меъёрию техникӣ ва технологӣ, ҳамчунин муайян кардани дурустии воситаҳои ташхис, сари вакт аттестақия ва тафтиш карда шудани онҳо аз ҷониби хадамоти метрологӣ мукаррар карда мешавад.

47. Санҷиши Ҳолати техникии воситаи наклиёт дар СХТ пеш аз муоинаи техникӣ бо хоҳиши соҳиби он гузаронида мешавад.

48. Ба ҳар як воситаи наклиёте, ки аз санҷиш гузаштааст ва фаъол дониста шудааст, СХТ мутобики банди 17 ҳамин Тартиб дар бораи ҳолати техникӣ тасдикнома ба расмият медарорад ва медиҳад.

49. Тасдикномаи СХТ ба Бозрасии давлатии автомобилӣ пешниҳод карда мешавад ва барои барасмиятдарории натиҷаҳои муоинаи техникии воситаҳои наклиёт бе санҷиши ҳолати техникии онҳо асос мегардад.

50. Дар рӯзҳои санҷиши нисбатан зиёди ҳолати техникии воситаҳои наклиёт ба Бозрасии давлатии автомобилӣ тавсия мешавад, ки муоинаи техникиро бевосита дар СХТ, дар ҷои барои ин кор ҷудокардашуда гузаронад.

VII. Назорати Бозрасии давлатии автомобилӣ аз болои гузаронидан ё омодагӣ ба гузаронидани муоинаи техникӣ

51. Назорат аз болои гузаронидани муоинаи техникии воситаҳои наклиёт дар шаклҳои зерин анҷом дода мешавад,

тафтиши риояи мӯҳлатҳо ва тартиби муоинаи техникии воситаҳои наклиёт;

тафтиши интихобии ҳолати техникӣ ва маълумоти бакайдгирии воситаҳои наклиёте, ки аз муоинаи техникӣ гузаронида шудаанд, дар бобати мутобикат доштани онҳо ба талаботи мукарраршуда (дар ҳудуди корхона, ҳангоми ба хатти сайр баромадан ё аз хатти сайр баргаштани воситаҳои наклиёт, ҳамчунин дар ҷараёни ҳаракат дар роҳ);

мукоисаи микдори воситаҳои наклиёт, маълумоти бакайдгирии онҳо аз рӯи картотекаи Бозрасии давлатии автомобилӣ, ки дар асоси маълумоти тасдикшуда доир ба натичаҳои муоинаи техникии воситаҳои наклиёт анҷом дода мешавад.

52. Дар сурати риоя нагардидани мӯҳлатҳо ё тартиби гузаронидани муоинаи техникии воситаҳои наклиёт, Бозрасии давлатии автомобилӣ ҳукук дорад, ки ба комиссияи корхона гузаронидани муоинаи техникӣ, ҳамчунин омодасозии воситаҳои наклиётро ба муоинаи техникӣ дар СХТ манъ намояд ё амали иҷозатномаи додашударо бекор намояд;

боздоштани амали иҷозатномаи Бозрасии давлатии автомобилӣ барои санҷиши воситаҳои наклиёт пеш аз муоинаи техники, аз тарафи Бозрасии давлатии автомобилӣ санад тартиб дода шуда ба роҳбарони СТХ барои ислоҳ намудани норасоиҳо, супорида мешавад.

ошкор гардидани аломатҳои аники нукси техникие, ки бо онҳо истифодабарии воситаи наклиёт манъ аст ва тасдикномаи СХТ-ро доир ба ҳолати техникӣ дорад, ашхоси масъуле, ки тасдикномаро додаанд, мувофики конуниятҳои амалкунанда ба ҷавобгарии маъмурӣ кашида мешаванд.

53. Номгӯи СХТ, ки амали иҷозатномаҳои онҳо доир ба гузаштани воситаҳои наклиёт аз муоинаи техникӣ боздошта ё бекор карда шудааст, ба воҳиди Бозрасии давлатии автомобилии макомоти минтакавии корҳои дохилӣ фиристода мешавад.

54. Барои ба хатти сайр баровардани воситаҳои наклиёте, ки аз муоинаи техникӣ гузаронида нашудаанд, роҳбарони корхонаҳо ё ашхоси масъули ҳолати техникии воситаҳои наклиёт мутобики конуни амалкунанда ба ҷавобгарии маъмурӣ кашида мешаванд.

VIII. Ба расмият даровардани натиҷаҳои муоинаи техникӣ

55. Аз рӯи натиҷаҳои муоинаи техникии ҳар як воситаи наклиёте, ки дар кайди Бозрасии давлатии автомобилӣ карор дорад, аз тарафи бозраси давлатии автомобилӣ санади бо намунаи мукарраршудаи замимаи № 2 ба ҳамин Тартиб ва аз ҷониби комиссияи корхона варакаи маълумот бо намунаи мукарраршудаи замимаи № 3 ба ҳамин Тартиб, тартиб дода мешавад.

Натиҷаҳои муоинаи техникии воситаҳои наклиёт, ки дар кайди доимии воҳиди мазкури Бозрасии давлатии автомобилӣ нестанд, дар санади муоинаи инфиродии воситаҳои наклиёт сабт карда метаванд.

56. Барои воситаҳои наклиёте, ки дар махалли кайди муваккатӣ аз муоинаи техникӣ гузаронида нашудаанд, санадҳое, ки дар Замимаи № 2 ба ҳамин Тартиб зикр шудаанд, барои дохил кардани онҳо ба ҳисоботи корхонаи асосӣ асос мегардад.

Санадҳои зикршуда ё варакаҳои пуркардашудаи маълумот дар бораи муоинаи техникии воситаҳои наклиёте, ки дар кайди муваккатӣ мебошанд, дар мӯҳлати як ҳафта ба Бозрасии давлатии автомобилии маҳаллӣ кайди доимии воситаи наклиёт фиристода мешаванд.

57. Барои ба расмият даровардани натиҷаҳои муоинаи техникӣ корхона дар мӯҳлати 5 рӯз баъди хатми муоина ба Бозрасии давлатии автомобилӣ санадҳои зеринро мефиристад.

як нусха маълумоти аз тарафи роҳбари корхона тасдикшуда дар бораи натиҷаҳои муоинаи техникии воситаҳои наклиёт, ки маълумоти баҳисобгирии онҳо бояд бо кайдҳои шаҳодатномаи бакайдгирӣ (талони техникӣ) мутобик бошанд:

санадҳое, ки шумораи воситаҳои наклиёт, ҳамчунин пардохти маблаги мукарраршудаи андозро аз соҳибони воситаҳои наклиёт ва боҷи гузаронидани муоинаи техникиро тасдик мекунанд;

як нусха маълумоти тасдикшуда дар бораи натиҷаҳои муоинаи техникии воситаҳои наклиёт ё санадро корхонаҳо дар мӯҳлати зикршуда ба комиссариати ҳарбӣ мувофики таксимоти ҳудудӣ пешниҳод мекунанд;

санадҳои муоинаи дуюми техникии воситаҳои наклиёт, ки мувофики банди 5 ҳамин Тартиб гузаронида шудааст, дар муддати 5 рӯзи баъди хатми муоина, аммо на дертар аз 5 декабр ба Бозрасии давлатии автомобилӣ пешниҳод карда мешаванд.

58. Аз рӯи натиҷаҳои муоинаи техникӣ Бозрасии давлатии автомобилӣ ба варакаи баҳисобгирӣ кайдҳои дахлдор дохил мекунад ва ҳисоботи давлатии омории намунаҳое, ки бо карори Агентии давлатии омори назди Ҳукуматм Ҷумҳурии Тоҷикистон тасдик шудааст, тартиб медиҳад ва бо тартиби мукарраршуда ба макомоти дахлдор мефиристад.

Воҳидҳои Бозрасии давлатии автомобилӣ, ки бо МЭҲ таҷҳизонида шудаанд, онҳоро барои нигоҳдорӣ ва коркарди натиҷаҳои муоинаи техникӣ истифода мекунанд.

59. Талони муоинаи техникӣ ба гурӯҳи маводи махсус мансуб буда, тартиби нашр, нигоҳдорӣ ва сарфи он бо фармони Вазорати корҳои дохилии Ҷумҳурии Тоҷикистон муайян карда мешавад.

* Замимаҳо оварда намешавад.