Дар бораи ворид намудани тағйирот ба баъзе қарорҳои Ҳукумати Ҷумҳурии Тоҷикистон
Ҳукумати Ҷумҳурии Тоҷикистон қарор мекунад:
1.Дар сархати якуми банди 2 қарори Ҳукумати Ҷумҳурии Тоҷикистон аз 12 маи соли 1999 № 210 "Дар бораи тасдиқи Низомномаи калкулятсияи арзиши аслии маҳсулот (кору хизматрасонӣ) дар корхонаҳо ва ташкилотҳои Ҷумҳурии Тоҷикистон" ва дар сархати сеюми банди 6 қисми 2 Низмономаи калкулятсияи арзиши аслии маҳсулот (кору хизматрасонӣ) дар корхонаҳо ва ташкилотҳои Ҷумҳурии Тоҷикистон, ки бо ҳамин қарор тасдиқ шудааст, калимаҳои "Вазорати иқтисод ва робитаҳои иқтисодии хориҷии Ҷумҳурии Тоҷикистон" ба калимаҳои "Вазорати иқтисод ва савдои Ҷумҳурии Тоҷикистон" иваз карда шаванд.
2.Банди 11 Нақшаи кории Ҳукумати Ҷумҳурии Тоҷикистон оид ба таҳияи лоиҳаҳои қонунҳои Ҷумҳурии Тоҷикистон дар соли 2002, ки бо қарори Ҳукумати Ҷумҳурии Тоҷикистон аз 30 декабри соли 2001 № 608 "Дар бораи Нақшаи кории Ҳукумати Ҷумҳурии Тоҷикистон оид ба лоиҳаҳои қонунҳои Ҷумҳурии Тоҷикистон дар соли 2002" тасдиқ шудааст, хориҷ карда шавад.
3.Банди 10 Номгӯи масъалаҳое, ки ҷиҳати баррасӣ дар маҷлисҳои Ҳукумати Ҷумҳурии Тоҷикистон барои нимсолаи дуюми соли 2002 таҳия мешаванд ва бо қарори Ҳукумати Ҷумҳурии Тоҷикистон аз 3 июли соли 2002 № 263 "Дар бораи Номгӯи масъалаҳое, ки ҷиҳати баррасӣ дар маҷлисҳои Ҳукумати Ҷумҳурии Тоҷикистон барои нимсолаи дуюми соли 2002 таҳия мешаванд" тасдиқ шудааст, хориҷ карда шавад.
Раиси
Ҳукумати Ҷумҳурии Тоҷикистон Э. Раҳмонов
аз 3 декабри соли 2002 № 487
ш.Душанбе
