ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи таъсиси муассисаи давлатии "Маркази идораи лоиҳаи идоракунии захираҳои обии водии фарғона"

Мувофиқи моддаи 52 Кодекси граждании Ҷумҳурии Тоҷикистон ва бо мақсади идоракунии захираҳои обии водии Фарғона, таъмини истифодаи самараноки гранти пешниҳодшудаи Ассотсиатсияи Байналмилалии Рушд (Бонки Ҷаҳони), Ҳукумати Ҷумҳурии Тоҷикистон қарор мекунад:

1. Муассисаи давлатии "Маркази идораи Лоиҳаи идоракунии захираҳои обии водии Фарғона" таъсис ва Оинномаи замимагардидаи он тасдиқ карда шавад.

Вазорати мелиоратсия ва хоҷагии оби Ҷумҳурии Тоҷикистон ҳамчун агентии иҷроияи Лоиҳаи мазкур муайян карда шавад.

2. Вазорати молияи Ҷумҳурии Тоҷикистон ҳар сол дар буҷети давлатӣ маблағҳои заруриро барои таъмини саҳми Ҳукумати Ҷумҳурии Тоҷикистон дар татбиқи Лоиҳаи идоракунии захираҳои обии водии Фарғона пешбини намояд.

3. Кумитаи давлатии идораи амволи давлатии Ҷумҳурии Тоҷикистон якҷоя бо Вазорати мелиоратсия ва хоҷагии оби Ҷумҳурии Тоҷикистон барои ҷойгир кардани Муассисаи давлатии "Маркази идораи Лоиҳаи идоракунии захираҳои обии водии Фарғона" бинои заруриро ба сифати саҳми Ҳукумати Ҷумҳурии Тоҷикистон ҷудо намояд.

4. Муассисаи давлатии "Маркази идораи Лоиҳаи идоракунии захираҳои обии водии Фарғона" бо мувофиқаи Вазорати мелиоратсия ва хоҷагии оби Ҷумҳурии Тоҷикистон, Вазорати молияи Ҷумҳурии Тоҷикистон ва Ассотсиатсияи Байналмилалии Рушд (Бонки Ҷахонӣ) сохтор, рӯйхати штатӣ ва сметаи хароҷоти нигоҳдории дастгоҳи Муассисаи давлатии "Маркази идораи Лоиҳаи идоракунии захираҳои обии водии Фарғона"-ро таҳия ва тасдиқ намояд.