ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи Барномаи рушди саноати сабук дар Ҷумҳурии Тоҷикистон барои солҳои 2006-2015

Бо мақсади рушди саноати сабуки Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Барномаи замимагардидаи рушди саноати сабук дар Ҷумҳурии Тоҷикистон барои солҳои 2006-2015 тасдиқ карда шавад.

2. Вазорати иқтисод ва савдои Ҷумҳурии Тоҷикистон, Вазорати кишоварзии Ҷумҳурии Тоҷикистон, Вазорати саноати Ҷумҳурии Тоҷикистон ва мақомоти маҳаллии ҳокимияти давлатӣ ҷиҳати амалӣ намудани Барнома барои ҷалб кардани сармоя чораҳои зарурӣ андешанд.

3. Вазорати иқтисод ва савдои Ҷумҳурии Тоҷикистон, Вазорати молияи Ҷумҳурии Тоҷикистон, дигар вазоратҳои манфиатдор ва мақомоти маҳаллии ҳокимияти давлатӣ ҳангоми таҳияи дурнамои рушди иҷтимоию иқтисодии чумҳурӣ барои ояндаи миёнамӯҳлат ва кӯтоҳмуҳлат, инчунин ҳангоми таҳияи буҷетҳои ҷумҳуриявӣ ва маҳаллӣ дар доираи маблағҳои ба вазорату идораҳои дахлдор пешбинишуда татбиқи муқаррарроти Барномаи мазкурро пешбинӣ намоянд.