ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи ворид намудани тағйироту иловаҳо ба қарори Ҳукумати Ҷумҳурии Тоҷикистон аз 25 октябри соли 2003 № 450 "Дар бораи тарифи гумрукии Ҷумҳурии Тоҷикистон"

Бо мақсади мутобиқ намудани меъёрҳои боҷи гумрукӣ ҳангоми воридоти баъзе намуди молҳо бо Барномаи паст намудани сатҳи камбизоатӣ дар доираи механизми рушди иқтисодӣ, Ҳукумати Ҷумҳурии Тоҷикистон қарор мекунад:

1. Дар банди 2 қарори Ҳукумати Ҷумҳурии Тоҷикистон аз 25 октябри соли 2003 № 450 "Дар бораи тарифи гумрукии Ҷумҳурии Тоҷикистон" пас аз калимаи "истеҳсолшаванда" калимаҳои "ба ғайр аз "маъдан ва консентрати алюминий - коди мол мутобиқи ТН ВЭД ЕврАзЭС 26060000 (гилхок) ва оксиди алюминийи аз корунди сунъи фарқкунанда - коди мол мутобиқи ТН ВЭД ЕврАзЭС 2818200000 (гилхок)" ворид карда шаванд.

2. Дар замимаи № 1 қарори Ҳукумати Ҷумҳурии Тоҷикистои аз 25 октябри соли 2003 № 450 "Дар бораи тарифи гумрукии Ҷумҳурии Тоҷикистон" тағйироти зайл ворид карда шавад:

- дар коди мол мутобиқ ТН ВЭД ЕврАзЭС 26060000 "маъдан ва консентрати алюминий (гилхок)" рақами "2" ба рақами "5" иваз карда шавад:

- дар коди мол мутобиқи ТН ВЭД ЕврАзЭС 2818200000 "оксиди алюминийи аз корунди сунъи фарқкунанда" рақами "2,5" ба рақами "5" иваз карда шавад.

3. Ин қарор аз рӯзи қабулаш мавриди амал қарор дода шавад.