ҲУКУМАТИ ҶУМҲУРИИ ТОҶИКИСТОН

ҚАРОР

Масъалаҳои Ширкати Саҳомии холдингии кушодаи "Нурафзо" оид ба сохтмони иншооти энергетикӣ

Дар асоси Кодекси граждании Ҷумҳурии Тоҷикистон, Ҳукумати Ҷумҳурии Тоҷикистон қарор мекунад:

1. Ширкати давлатии сохтмони объектҳои энергетикии "Нурафзо"-и Ҷумҳурии Тоҷикистон ба Ширкати саҳомии холдингии кушодаи "Нурафзо" оид ба сохтмони иншооти энергетики табдил дода шавад.

2. Оинномаи Ширкати саҳомии холдингии кушодаи "Нурафзо" оид ба сохтмони иншооти энергетикӣ бо Рӯйхати замимагардидаи корхонаҳои давлати, муассисаҳо ва ҷамъиятҳои саҳоми, ки ба ҳайати Ширкати саҳомии холдингии кушодаи "Нурафзо" оид ба сохтмони иншооти энергетики дохиланд ва дар асоси созишномаҳои дутарафа амал мекунанд, тасдиқ карда шавад.

3. Ба Кумитаи давлатии идораи амволи давлатии Ҷумҳурии Тоҷикистон супорида шавад, ки бо тартиби муқарраргардида ҳуқуқи ихтиёрдории саҳмияҳои ба давлат тааллуқдоштаи ҷамъиятҳои саҳомии шакли кушодаеро, ки Рӯйхати онҳо замима гардидааст, ба Ширкати саҳомии холдингии кушодаи "Нурафзо" оид ба сохтмони иншооти энергетики диҳад.

4. Қарори Шӯрои Вазирони Ҷумҳурии Тоҷикистон аз 17 октябри соли 1994 № 496 "Масъалаҳои Ширкати давлатии сохтмони объектҳои энергетикии "Нурафзо"-и Ҷумҳурии Тоҷикистон" беэътибор дониста шавад.