Бо қарори Ҳукумати ҶТ аз 3.03.2011 № 115 аз эътибор соқит дониста шуд

Ҳукумати Ҷумҳурии Тоҷикистон

ҚАРОР

Дар бораи сохтор ва штатҳои мақомоти ҳокимияти иҷроияи маҳалҳо

Мутобиқи моддаҳои 31, 32, Қонуни Ҷумҳурии Тоҷикистон "Дар бораи ҳокимияти давлатӣ дар маҳалҳо" Ҳукумати Ҷумҳурии Тоҷикистон қарор мекунад:

1. Лимити шумораи умумии кормандони мақомоти иҷроияи маҳалҳо (ҳукуматҳо) мутобиқи замимаи № 1 муқаррар карда шавад.

2. Сохтори дастгоҳи ҳукуматҳои маҳаллӣ мутобиқи замимаи № 2 тасдиқ карда шавад.

3. Шумораи кормандони дастгоҳи ҳукуматҳои маҳаллӣ, миқдори муовинони раисони вилояти мухтори Кӯҳистон Бадахшон, вилоятҳо ва шаҳру ноҳияҳо мутобиқи замимаи № 3 муқаррор карда шавад.

4. Меъёрҳои шумораи категорияҳои алоҳидаи кормандони ҷамоатҳои шаҳраку деҳаҳо мутобиқи замимаи № 4 тасдик карда шавад.

5. Раисони Вилояти Мухтори Кӯҳистони Бадахшон, вилоятҳо, шаҳру ноҳияҳо дар доираи лимити умумии муқараргардидаи шумораи кормандони ин мақомот барои мувофиқат ба Ҳукумати Ҷумҳурии Тоҷикистон пешниҳод кунанд.

6. Вазорати молияи Ҷумҳурии Тоҷикистон аз тарафи мақомоти маҳаллии ҳокимияти иҷроия риоя шудани интизоми штатӣ - сметавиро таҳти назорати қатъӣ қарор диҳад.