Ҳукумати Ҷумҳурии Тоҷикистон

ҚАРОР

Дар бораи Муассисаи давлатии "Маркази татбиқи лоиҳаи таҷдиди роҳи автомобилгарди Душанбе-Чанок (сарҳади Ҷумҳурии Узбекистон)"

Мутобиқи моддаи 58 Кодекси граждании Ҷумҳурии Тоҷикистон ва бо мақсади таъмини истифодаи самараноки маблағҳои қарзӣ барои татбиқи лоиҳаи таҷдиди роҳи автомобилгарди Душанбе-Чанок (сарҳади Ҷумҳурии Узбекистон) Ҳукумати Ҷумҳурии Тоҷикистон қарор мекунад:

1. Муассисаи давлатии "Маркази татбиқи лоиҳаи таҷдиди роҳи автомобилгарди Душанбе-Чанок (сарҳади Ҷумҳурии Узбекистон)" таъсис дода шавад.

2. Оинномаи замимагардидаи Муассисаи давлатии "Маркази татбиқи лоиҳаи таҷдиди роҳи автомобилгарди Душанбе-Чанок (сарҳади Ҷумҳурии Узбекистон)" тасдиқ карда шавад.

3. Вазоратҳои молия, иқтисод ва савдои Ҷумҳурии Тоҷикистон воридоти саҳми Ҳукумати Ҷумҳурии Тоҷикистонро барои татбиқи лоиҳаи таҷдиди роҳи автомобилгарди Душанбе-Чанок (сарҳади Ҷумҳурии Узбекистон) ва маблағгузории нигаҳдории Марказро мутобиқи шартҳои созишномаи қарзӣ таъмин намоянд.

4. Муассисаи давлатии "Маркази татбиқи лоиҳаи таҷдиди роҳи автомобилгарди Душанбе-Чанок (сарҳади Ҷумҳурии Узбекистон)" дар мувофиқа бо Вазорати молияи Ҷумҳурии Тоҷикистон сохтор, ҷадвали штатӣ ва сметаи хароҷоти нигоҳдории Марказро таҳия ва тасдиқ намояд.

5. Вазорати нақлиёти Ҷумҳурии Тоҷикистон барои ҷойгиркунонии Марказ бинои заруриро ҷудо намояд.