Ҳукумати Ҷумҳурии Тоҷикистон

ҚАРОР

Дар бораи Муассисаи давлатии "Маркази идораи лоиҳаҳои бахши электроэнергетика"

Мутобиқи моддаи 58 Кодекси граждании Ҷумҳурии Тоҷикистон ва бо мақсади таъмини истифодабарии самараноки маблағҳои грантӣ ва қарзии барои рушди соҳаи электроэнергетика ҷалбшаванда Ҳукумати Ҷумҳурии Тоҷикистон қарор мекунад:

1. Маркази татбиқи лоиҳаи "Офияти сохаи энергетикии Ҷумҳурии Тоҷикистон" ба Муассисаи давлатии "Маркази идораи лоиҳаҳои бахши электроэнергетика" табдил дода шавад.

2. Оинномаи замимашудаи Муассисаи давлатии "Маркази идораи лоиҳаҳои бахши электроэнергетика" тасдиқ карда шавад.

3. Муқаррар карда шавад, ки нигаҳдории Муассисаи давлатии "Маркази идораи лоиҳаҳои бахши электроэнергетика" аз ҳисоби маблағҳои худии Ширкати саҳомии холдингии кушодаи "Барқи Тоҷик" амалӣ мешавад.

4. Муассисаи давлатии "Маркази идораи лоиҳаҳои бахши электроэнергетика" дар мувофиқа бо Вазорати молияи Ҷумҳурии Тоҷикистон сохтор, ҷадвали штатӣ ва сметаи хароҷоти нигаҳдории Марказро таҳия ва тасдик намояд.

5. Муассисаи давлатии "Маркази идораи лоиҳаҳои бахши электроэнергетика" дар бинои Ширкати саҳомии холдингии кушодаи "Барқи Тоҷик" ҷойгир кунонида шавад.