Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 12 феврали соли 2002 №48 "Масъалаҳои Вазорати даромадҳо ва пардохтҳои давлатии Ҷумҳурии Тоҷикистон" ва қарори Ҳукумати Ҷумҳурии Тоҷикистон аз 15 декабри соли 2005 № 483 "Оид ба ворид намудани тағйироту иловаҳо ба баъзе қарорҳои Ҳукумати Ҷумҳурии Тоҷикистон"

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати ҶумҳурииТоҷикистон қарор мекунад:

Ба қарори Ҳукумати Ҷумҳурии Тоҷикистон аз 12 феврали соли 2002 № 48 "Масъалаҳои Вазорати даромадҳо ва пардохтҳои давлатии Ҷумҳурии Тоҷикистон" ва қарори Ҳукумати Ҷумҳурии Тоҷикистон аз 15 декабри соли 2005 № 483 "Оид ба ворид намудани тағйироту иловаҳо ба баъзе қарорҳои Ҳукумати Ҷумҳурии Тоҷикистон" тағйиру иловаҳои зерин ворид карда шаванд:

1. Банди 3 қарори Ҳукумати Ҷумҳурии Тоҷикистон аз 12 феврали соли 2002 № 48 "Масъалаҳои Вазорати даромадҳо ва пардохтҳои давлатии Ҷумҳурии Тоҷикистон" дар таҳрири зерин баён карда шавад:

"3. Шумораи умумии кормандони мақомоти Вазорати даромадҳо ва пардохтҳои давлатии Ҷумҳурии Тоҷикистон (ба ғайр аз редаксияҳои рӯзномаи "Боҷу хироҷ" ва маҷаллаи "Паёми Вазорати даромадҳо ва пардохтҳои давлатии Ҷумҳурии Тоҷикистон", намояндаҳои Вазорати даромадҳо ва пардохтҳои давлатии Ҷумҳурии Тоҷикистон дар мамлакатҳои хориҷӣ, Муассисаи давлатии "Маркази идораи Лоиҳаи минтақавии таҳкими гумрук ва рушди инфраструктураи назди Вазорати даромадҳо ва пардохтҳои давлатии Ҷумҳурии Тоҷикистон) ба миқдори 3296 воҳид (бе назардошти кормандони хизматрасон), аз ҷумла Дастгоҳи марказӣ ба миқдори 133 воҳид муқаррар карда шавад, аз ҷумла :

- шумораи кормандони Департаменти андози Вазорати даромадҳо ва пардохтҳои давлатии Ҷумҳурии Тоҷикистон ба миқдори 1420 воҳид (бе назардошти кормандони хизматрасон), аз ҷумла Дастгоҳи марказӣ ба миқдори 88 воҳид;

- шумораи кормандони Департаменти гумруки Вазорати даромадҳо ва пардохтҳои давлатии Ҷумҳурии Тоҷикистон ба миқдори 1103 воҳид (бе назардошти кормандони хизматрасон), аз ҷумла Дастгоҳи марказӣ ба миқдори 120 воҳид;

- шумораи кормандони Саридораи полиси андози Вазорати даромадҳо ва пардохтҳои давлатии Ҷумҳурии Тоҷикистон ба миқдори 575 воҳид (бе назардошти кормандони хизматрасон), аз ҷумла Дастгоҳи марказӣ ба миқдори 224 воҳид;

- шумораи кормандони Нозироти андозсупорандагони калони Вазорати даромадҳо ва пардохтҳои давлатии Ҷумҳурии Тоҷикистон бо шӯъбаҳо дар вилоятҳо ва шаҳри Душанбе ба миқдори 65 воҳид (бе назардошти кормандони хизматрасон), аз ҷумла Дастгоҳи марказӣ ба миқдори 32 воҳид.

Воҳидҳои кории кормандони хизматрасони Вазорати даромадҳо ва пардохтҳои давлатии Ҷумҳурии Тоҷикистон (ба ғайр аз редаксияҳои рӯзномаи "Боҷу хироҷ" ва маҷаллаи "Паёми Вазорати даромадҳо ва пардохтҳои давлатии Ҷумҳурии Тоҷикистон", намояндаҳои Вазорати даромадҳо ва пардохтҳои давлатии Ҷумҳурии Тоҷикистон дар мамлакатҳои хориҷӣ, Муассисаи давлатии "Маркази идораи Лоиҳаи минтақавии таҳкими гумрук ва рушди инфраструктураи назди Вазорати даромадҳо ва пардохтҳои давлатии Ҷумҳурии Тоҷикистон) ба миқдори 96 воҳид, аз ҷумла мақомоти тобеи Дастгоҳи марказии вазорат (хоҷагии нақлиёт) ба миқдори 6 воҳид, аз басти кории вазорат ихтисор карда шаванд".

2. Аз замимаи 2 қарори Ҳукумати Ҷумҳурии Тоҷикистон аз 12 феврали соли 2002 № 48 "Масъалаҳои Вазорати даромадҳо ва пардохтҳои давлатии Ҷумҳурии Тоҷикистон" дар таҳрири қарори Ҳукумати Ҷумҳурии Тоҷикистон аз 15 декабри соли 2005 № 483 "Оид ба ворид намудани тағйироту иловаҳо ба баъзе қарорҳои Ҳукумати Ҷумҳурии Тоҷикистон" калимаҳои "Донишкадаи андоз ва ҳуқуқи ВДПД ҶТ" хориҷ карда шаванд.