ҚОНУНИ ҶУМҲУРИИ ТОҶИКИСТОН

Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи телевизион ва радиошунавонӣ"

Моддаи 1. Ба Қонуни Ҷумҳурии Тоҷикистон аз 14 декабри соли 1996 "Дар бораи телевизион ва радиошунавонӣ" (Ахбори Маҷлиси Олии Ҷумҳурии Тоҷикистон соли 1996, №24, моддаи 408; соли 1998, №10, моддаи 76; соли 1999, №6, моддаи 166; соли 2000, №11, моддаи 521; соли 2001, №7 моддаи 481; соли 2004, №2, моддаи 39) тағйиру иловаҳои зерин ворид карда шаванд:

1. Дар моддаи 1:

сархатҳои чорум ва ҳаштум хориҷ карда шаванд;

дар сархати дувоздаҳум калимаҳои "силсилаи кадрҳои ба ҳам алоқаманде" ба калимаҳои "асарҳои аз силсилаҳои кадрҳои ба ҳам алоқаманде иборат буда" иваз карда шаванд.

2. Дар қисми якуми моддаи 2 калимаҳои "тобеияти идорӣ" ба калимаҳои "шакли ташкилию ҳуқуқиашон" иваз карда шаванд.

3. Дар сархати шашуми моддаи 3 калимаи "қатъан" ба калимаи "қатъиян" иваз карда шавад.

4. Дар моддаи 6:

дар қисми якум калимаҳои "ҳукумати маҳаллӣ" ба калимаҳои "иҷроияи маҳаллии ҳокимияти давлатӣ" иваз карда шаванд;

дар қисми дуюм калимаҳои "ҳокимияти маҳаллӣ" ба калимаҳои "маҳаллии ҳокимияти давлатӣ" ва калимаҳои "сохтори давлатии ташкилотҳои" ба калимаҳои "сохтори ташкилотҳои давлатии" иваз карда шаванд.

5. Дар номи Боби II баъди калимаи "таъсис" калимаи ",иҷозатномадиҳӣ" ва баъди калимаи "фаъолияти" калимаи "ташкилотҳои" илова карда шаванд.

6. Моддаи 11 дар таҳрири зайл ифода карда шавад:

"Моддаи 11. Таъсисдиҳӣ ва бақайдгирии давлатии ташкилотҳои телевизион ва радиошунавонӣ Ташкилотҳои телевизион ва радиошунавонӣ мувофиқи тартибе, ки қонунгузории Ҷумҳурии Тоҷикистон барои шахси ҳуқуқӣ муайян намудааст, таъсис меёбанд.

Бақайдгирии давлатии ташкилотҳои телевизион ва радиошунавонӣ, қайди баҳисобгирии намояндагӣ ва филиалҳои онҳо мувофики Қонуни Ҷумҳурии Тоҷикистон "Дар бораи бақайдгирии давлатии шахси ҳуқуқӣ, амалӣ карда мешавад.".

7. Моддаи 12 дар таҳрири зайл ифода карда шавад:

"Моддаи 12. Иҷозатномадиҳии фаъолияти соҳаи телевизиону радио

Иҷозатномадиҳӣ ба ташкилот барои фаъолият дар соҳаи телевизиону радио мувофиқи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" амалӣ карда мешавад.".

8. Қисми дуюми моддаи 13 хориҷ карда шавад.

9. Дар моддаи 15 баъд аз калимаи "рӯз" калимаҳои "ном ва дигар" илова карда шаванд.

10. Дар қисми якуми моддаи 16, қисми дуюми моддаи 17 ва қисми якуми моддаи 18 калимаҳои "бо розигии" ба калимаҳои "дар мувофиқа бо" иваз карда шаванд.

11. Дар қисми якуми моддаи 18 калимаҳои "маҳаллии ҳокимияти иҷроия (ҳукуматҳо)" ба калимаҳои "иҷроияи маҳаллии ҳокимияти давлатӣ" иваз карда шаванд.

12. Дар ном ва матни моддаи 22 калимаи "таблиғоти" ба калимаи "маъракаҳои" иваз карда шавад.

13. Моддаи 24 дар таҳрири зайл ифода карда шавад:

"Моддаи 24. Истифодаи реклама дар ташкилотҳои телевизион ва радиошунавонӣ

Истифодаи рсклама дар ташкилотҳои телевизион ва радиошунавонӣ мувофики Қонуни Ҷумҳурии Тоҷикистон "Дар бораи реклама" амалӣ карда мешавад.".

14. Дар моддаи 25 калимаи "филиалӣ" ба калимаи "филиали", калимаи "мекунад" ба калимаи "мекунанд" иваз карда шаванд.

15. Дар моддаи 27:

дар номи модда калимаи "маводи" ба калимаи "барномаҳои" иваз карда шавад;

дар қисми якум баъд аз калимаҳои "дар он" калимаи "мавзӯъ," илова карда, калимаҳои "вақт, оғозу" ба калимаҳои "вақти оғозу", калимаҳои "радиошунавонӣ зикр мегардад" ба калимаҳои "радиоро зикр намоянд" иваз карда шаванд.

16. Дар моддаи 28:

дар сархати якуми қисми сеюм калимаи "азнавпаҳннамоии" ба калимаҳои "интиқоли пахш" ва дар қисми чорум калимаи "иҷозати" ба калимаи "розигии" иваз карда шаванд;

сархати якуми қисми шашум дар таҳрири зайл ифода карда шавад:

"-маълумоти дорои сирри давлатӣ ё асрори дигари қонунан маҳфуз, ахбору маводе, ки ба зӯран сарнагун сохтан ё тағйир додани сохтори конститутсионӣ, ташкили гурӯҳҳои мусаллаҳ даъват мекунад, шаъну шарафи давлат, Президент за шахрвандонро паст мезанад, ҷанг, зулму зӯроварӣ, терроризм ва экстремизмро дар ҳама гуна зуҳуроташон, хусумати нажодию миллӣ, маҳалгароӣ, бартарият ва оштинопазирии динӣ ё мазҳабӣ, фаҳшу фуҷурро таблиғ мекунад, ахлоқи ҷомеаро мекоҳонад, ба содир намудани дигар кирдори ҷиноятӣ мусоидат мекунад, пахш намояд;";

дар сархати дуюми қисми шашум калимаҳои "истифода барад" ба калимаи "фурӯшад" иваз карда шаванд.

17. Дар моддаи 31:

дар матни модда калимаи "радиошунавонӣ" ба калимаҳои "радиошунавонии Ҷумҳурии Тоҷикистон" иваз карда шаванд;

дар қисми дуюм калимаи "нафақа" ба калимаҳои "нафақаи гум кардани саробон" иваз карда шаванд;

дар қисми сеюм калимаи "таъин карда" ба калимаи "дода" иваз карда шавад;

дар қисмҳои сеюм ва чорум баъди калимаи "ташкилотҳои" калимаи "давлатии" илова карда шавад;

дар қисми чорум калимаҳои "ба кӯмакпулии" ба калимаҳои "ба ӯ кӯмакпулии" иваз карда шаванд.

18. Дар моддаи 32:

дар номи модда калимаҳои "Таъмини пулии ташкилотҳои" ба калимаҳои "Маблағгузории ташкилотҳои давлатии" иваз карда шаванд;

дар қисми якум калимаҳои "бюҷет бо пул таъмин" ба калимаҳои "буҷети давлатӣ маблағгузорӣ" иваз карда шаванд;

дар сархати чоруми қисми дуюм калимаи "таҳияи" ба калимаҳои "таҳия ва истеҳсоли", калимаҳои "филмҳои тасвирӣ" ба калимаи "видеофилмҳо" иваз карда шаванд;

дар сархати шашуми қисми дуюм калимаи "прокати" ба калимаҳои "кирояи (прокати)" иваз карда шавад.

19.Дар қисми якуми моддаи 34 калимаҳои "бо розигии" ба калимаҳои "дар мувофиқа бо" иваз карда шаванд.

20. Дар моддаи 36:

дар матни модда калимаи "Агар" ба калимаи "агар" иваз карда шавад;

дар сархати дуюм калимаи "марказӣ" ба калимаи "маркази" иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.