ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ҶАМЪОВАРИИ ПОРАВУ ПАРТОВҲОИ МЕТАЛЛҲОИ СИЁҲ ВА РАНГА"

Моддаи 1. Ба Қонуни Ҷумҳурии Тоҷикистон аз 28 феврали соли 2004 "Дар бораи ҷамъоварии пораву партовҳои металлҳои сиёҳ ва ранга" (Ахбори Маҷлиси Олии Ҷумҳурии Тоҷикистон, соли 2004, № 2, мод. 34) тағйироти зайл ворид карда шаванд:

1. Моддаи 9 дар таҳрири зайл баён карда шавад:

"Моддаи 9. Иҷозатномадиҳии фаъолияти тайёр кардан, коркард ва фурӯши пораву партовҳои металлҳои сиёҳ, ва ранга

Иҷозатномадиҳии фаъолияти тайёр кардан, коркард, фурӯши пораву партовҳои металлҳои сиёҳ ва ранга тибқи Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" анҷом дода мешавад.".

2. Дар сархати якуми қисми якуми моддаи 14 калимаҳои "ҷамъовариву нигоҳдорӣ, партовгардонӣ ва ба истеъмолкунандагон супоридани" ба калимаҳои "тайёр кардан, коркард ва фурӯши" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.