Бо Қарори Ҳукумати ҶТ аз 28.12.2006 с. № 614 беэътибор дониста шуд

Ҳукумати Ҷумҳурии Тоҷикистон

ҚАРОР

Масъалаҳои Кумитаи давлатии сохтмон ва меъмории Ҷумҳурии Тоҷикистон

Ҷиҳати иҷрои Фармони Президенти Ҷумҳурии Тоҷикистон аз 18 январи соли 2003 № 963 "Дар бораи таъсиси Кумитаи давлатии сохтмон ва меъмории Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомномаи Кумитаи давлатии сохтмон ва меъмории Ҷумҳурии Тоҷикистон нақшаи идора, номгӯи корхонаҳои давлатӣ ва ҷамъиятҳои саҳомие, ки пакети назоратии саҳмияҳояшон ба давлат тааллуқ дошта, фаъолияти худро тавассути бастани созишномаҳои дуҷониба ба Кумитаи давлатии сохтмон ва меъмории Ҷумҳурии Тоҷикистон анҷом медиҳанд, тасдиқ карда шавад (замима мегардад) (Қарори Ҳукумати ҶТ аз 3 июни соли 2006 № 269).

2. Шумораи ниҳоии кормандони дастгоҳи марказии Кумитаи давлатии сохтмон ва меъмории Ҷумҳурии Тоҷикистон бо дарназардошти персонали хизматрасон 75 нафар муқаррар карда шавад.

Ба Раиси Кумитаи давлатии сохтмон ва меъмории Ҷумҳурии Тоҷикистон иҷозат дода шавад, ки 5 муовин, аз ҷумла як муовини аввал дошта бошад ва дар ҳайати 9 нафар коллегия таъсис диҳад.

Барои Кумитаи давлатии сохтмон ва меъмории Ҷумҳурии Тоҷикистон лимити нигаҳдошти 9 воҳид мошини сабукрави хизматӣ тасдиқ карда шавад.

Сохтори дастгохи марказии Кумитаи давлатии сохтмон ва меъмории Ӣумхурии Тоӣикистон дар тахрири нав тасдик карда шавад (замима мегардад)(Қарори Ҳукумати ҶТ аз 3 июни соли 2006 № 269).

3. Биноҳои маъмурӣ ва амвол тибқи замима дар ихтиёри Кумитаи давлатии сохтмон ва меъмории Ҷумҳурии Тоҷикистон нигоҳ дошта шаванд.

4. Маблағгузории дастгоҳи марказии Кумитаи давлатии сохтмон ва меъмории Ҷумҳурии Тоҷикистон аз ҳисоби буҷети ҷумҳуриявӣ анҷом дода мешавад.