ҲУКУМАТИ ҶУМҲУРИИ ТОҶИКИСТОН

ҚАРОР

Оид ба тасдиқи Низомнома дар бораи хусусиятҳои иҷозатномадиҳи ба баъзе намудҳои фаъолият

Мувофиқи моддаи 5 Қонуни Ҷумҳурии Тоҷикистон "Дар бораи иҷозатномадиҳӣ ба баъзе намудҳои фаъолият" Ҳукумати Ҷумҳурии Тоҷикистон қарор мекунад:

1. Низомнома дар бораи хусусиятҳои иҷозатномадиҳӣ ба баъзе намудҳои фаъолият тасдиқ карда шавад (замима мегардад).

2. Вобаста ба қабули ин Низомнома ба қарорҳои зерини Ҳукумати Ҷумҳурии Тоҷикистон тағйиру иловаҳо ворид карда шаванд:

1) Сархатҳои дуюм ва сеюми банди 2 қарори Ҳукумати Ҷумҳурии Тоҷикистон аз 4 маи соли 1997 № 180 "Дар бораи тасдиқи Низомномаи фондҳои инвеститсионӣ" хориҷ карда шаванд.

2) Ба Низомномаи фондҳои инвеститсионӣ, ки бо қарори Ҳукумати Ҷумҳурии Тоҷикистон аз 4 маи соли 1997 № 180 "Дар бораи тасдиқи Низомномаи фондҳои инвеститсиони" тасдиқ карда шудааст, тағйироти зайл ворид карда шаванд:

аз сархати дувоздаҳуми банди 1.5 калимаҳои "барои ба амал баровардани фаъолияти идоракунии фонди инвеститсиони мувофиқи тартиби муқарраршуда лицензия гирифтааст ва" хориҷ карда шаванд;

сархатҳои чорум ва панҷуми банди 2.12 хориҷ карда шаванд;

дар номгӯйи боби III калимаҳои "ва лицензиякунонии фаъолияти фонди инвестициони" хориҷ карда шаванд;

банди 3.1 хориҷ карда шавад;

сархати дуюми банди 8.1 хориҷ карда шавад.

3) Сархати дуюм ва панҷуми қарори Ҳукумати Ҷумҳурии Тоҷикистон аз 7 апрели соли 1999 № 131 "Дар бораи тасдиқ намудани Низомномаҳо вобаста ба танзими давлатии истеҳсолу муомилоти спирти этили ва машрубот" хориҷ карда шаванд.

4) Ба қарори Ҳукумати Ҷумҳурии Тоҷикистон аз 19 июни соли 2000 № 259 "Дар бораи тасдиқи Тартиби гузаронидани аттестатсия барои ҳуқуқи анҷом додани фаъолияти аудитори ва Тартиби додани литсензия барои фаъолияти аудитории" тағйироти зайл ворид карда шаванд:

аз номи қарор калимаҳои "ва Тартиби додани литсензия барои фаъолияти аудитории" хориҷ карда шаванд;

аз банди 1 калимаҳои "ва Тартиби додани литсензия барои анҷом додани фаъолияти аудитории" хориҷ карда шаванд;

бандҳои 2 ва 5 хориҷ карда шаванд.

5) Дар сархати чоруми банди 6 Низомномаи Вазорати нақлиёти Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 29 декабри соли соли 2000 № 485 "Дар бораи Вазорати нақлиёти Ҷумҳурии Тоҷикистон" калимаҳои "дар сурати ошкор намудани қонуншиканиҳо боздоштан ва қатъи амали онҳо" ба калимаҳои "дар сурати вайрон намудани шарту талаботи иҷозатномадиҳи боздоштани амали иҷозатнома (литсензия)" иваз карда шаванд.

6) Ба Низомномаи Депозитарийи маркази, ки бо қарори Ҳукумати Ҷумҳурии Тоҷикистон аз 29 декабри соли 2000 № 501 "Дар бораи тасдиқи Низомномаи Депозитарийи маркази" тасдиқ карда шудааст, тағйироти зайл ворид карда шаванд:

дар сархати дуюми банди 6 калимаҳои "дар асоси литсензияе, ки Вазорати молияи Ҷумҳурии Тоҷикистон (минбаъд Вазорати молия) медиҳад ва" хориҷ карда шаванд;

дар банди 17 калимаҳои "Вазорати молия" ба калимаҳои "Вазорати молияи Ҷумҳурии Тоҷикистон (минбаъд - Вазорати молия)" иваз карда шаванд;

дар банди 27 калимаҳои "Депозитарий, бозхонди литсензияро" ба калимаи "Депозитарийро" иваз карда шаванд.

7) Сархати якум бо зербандҳои "а" ва "б" банди 3 Низомномаи фаъолияти брокери ва дилери дар бозори қоғазҳои қиматнок, ки бо қарори Ҳукумати Ҷумҳурии Тоҷикистон аз 29 декабри еоли 2000 № 502 "Дар бораи тасдиқи Низомномаи фаъолияти брокерию - дилери дар бозори қоғазҳои қиматнок" тасдиқ карда шудааст, хориҷ карда шаванд.

8) Ба банди 5 Низомномаи Вазорати иқтисод ва савдои Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 17 феврали соли 2001 № 77 "Дар бораи Вазорати иқтисод ва савдои Ҷумҳурии Тоҷикистон" тасдиқ карда шудааст, тағйироти зайл ворид карда шаванд:

аз сархати чилу якум калимаҳои "ва андозаҳои пардохт барои литсензия" хориҷ карда шаванд;

аз сархати чилу сеюм калимаҳои "ва иҷрои шароитҳои литсензиякунони ва сертификатсия дар соҳаи туризм" хориҷ карда шаванд.

9) Сархати дуюми банди 1 қарори Ҳукумати Ҷумҳурии Тоҷикистон аз 11 июни соли 2001 № 252 "Дар бораи Инспексияи нақлиёти назди Вазорати нақлиёти Ҷумҳурии Тоҷикистон" хориҷ карда шавад.

10) Сархати панҷуми қисми дуюми банди 6 Низомномаи Инспексияи давлатии зотпарварии назди Вазорати кишоварзии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 2 апрели соли 2002 № 156 "Дар бораи Инспексияи давлатии зотпарварии назди Вазорати кишоварзии Ҷумҳурии Тоҷикистон" тасдиқ шудааст, хориҷ карда шавад.

11) Аз ном ва матни қарори Ҳукумати Ҷумҳурии Тоҷикистон аз 5 июни соли 2002 № 245 "Дар бораи тасдиқ намудани Низомномаи тартиби иҷозатномадиҳии (литсензиякунонии) фаъолияти фарматсевти дар Ҷумҳурии Тоҷикистон, Тартиби воридот ва содироти маводи дорувори ва молҳои тибби дар Ҷумҳурии Тоҷикистон" калимаҳои "Низомномаи тартиби иҷозатномадиҳии (литсензиякунонии) фаъолияти фарматсевти дар Ҷумҳурии Тоҷикистон," хориҷ карда шаванд.

12) Сархати дуюми банди 8 ва сархати чоруми банди 11 Низомномаи Сарраёсати байтори бо Инспексияи давлатии байтории назди Вазорати кишоварзии Ҷумҳурии Тоҷикистон, ки бо қарори Ҳукумати Ҷумҳурии аз 1 октябри соли 2002 № 391 "Дар бораи Сарраёсати байтори бо Инспексияи давлатии байтории назди Вазорати кишоварзии Ҷумҳурии Тоҷикистон" тасдиқ шудааст, хориҷ карда шаванд.

13) Дар ном ва матни қарори Ҳукумати Ҷумҳурии Тоҷикистон аз 31 марти соли 2003 № 145 "Дар бораи тасдиқ намудани Тартиби иёр гирифтан ва тамға задани масноуоти аз металлҳои қимматбаҳо сохташуда, Тартиби литсензиякунонии навъҳои ҷудогонаи фаъолият оид ба истеҳсол, истифода ва гардиши металлҳои қиматбаҳо ва сангҳои қиматбаҳо аз ҷониби шахсони ҳуқуқи ва воқеи ва Феҳристи муваққатии корҳое, ки аз онҳо ҳаққи иёр (пардохти иёр) рӯёнда мешаванд" калимаҳои "Тартиби литсензиякунонии навъҳои ҷудогонаи фаъолият оид ба истеҳсол, истифода ва гардиши металлҳои қиматбаҳо ва сангҳои қиматбаҳо аз ҷониби шахсони ҳуқуқи ва воқеи" хориҷ карда шаванд.

14) Ба Низомномаи Кумитаи давлатии ҳифзи муҳити зист ва хоҷагии ҷангали Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 1 марти соли 2004 № 70 "Масъалаҳои Кумитаи давлатии ҳифзи муҳити зист ва хоҷагии ҷангали Ҷумҳурии Тоҷикистон" тасдиқ карда шудааст, тағйироти зайл ворид карда шаванд:

сархати ҳафтуми банди 5 дар таҳрири зайл баён карда шавад:

"тибқи тартиби муқаррарнамудаи қонунгузории Ҷумҳурии Тоҷикистон иҷозатнома (литсензия) ва иҷозатро барои фаъолияти вобаста ба ҳифзи муҳити зист ва истифодабарии захираҳои табиат медиҳад";

дар сархати сеюми банди 6 калимаҳои "пешниҳодотро барои эътибор соқит намудани литсензияи (иҷозатномаи) аз тарафи дигар мақомот додашуда дар сурати вайрон намудани ин қоида, меъёр ва талаботҳо манзур намояд" хориҷ карда шаванд.

3. Қарорҳои зерини Ҳукумати Ҷумҳурии Тоҷикистон беэътибор дониста шаванд:

1) Қарори Шӯрои Вазирони Ҷумҳурии Тоҷикистон аз 1 августи соли 1994 № 369 "Дар бораи тасдиқи Низомномаи литсензиякунонии фаъолият дар соҳаи алоқа";

2) Қарори Ҳукумати Ҷумҳурии Тоҷикистон аз 6 майи соли 1997 № 211 "Дар бораи литсензиякунонии давлатии фаъолияти бинокори дар қаламрави Ҷумҳурии Тоҷикистон";

3) Қарори Ҳукумати Ҷумҳурии Тоҷикистон аз 15 сентябри соли 1997 № 424 "Дар бораи ҷамъи маблағ барои додани литсензияи таҳия ва пахши барномаҳои телевизион ва радио";

4) Қарори Ҳукумати Ҷумҳурии Тоҷикистон аз 18 феврали соли 1998 № 42 "Дар бораи тасдиқи Низомномаи тартиби литсензиякунонии фаъолият оид ба расонидани ёрии ҳуқуқи ба сифати адвокати ваколатдор";

5) Низомномаи тартиби ба расмият даровардан ва додани литсензияҳо барои истеҳсолу муомилоти спирти этили ва машрубот, ки бо қарори Ҳукумати Ҷумҳурии Тоҷикистон аз 7 апрели соли 1999 № 131 "Дар бораи тасдиқ намудани Низомномаҳо вобаста ба танзими давлатии истеҳсолу муомилоти спирти этили ва машрубот" тасдиқ шудааст;

6) Андозаи боҷҳо ҷиҳати баррасии ариза ва додани литсензия, барои истеҳсол ва муомилоти спирти этили ва машрубот, ки бо қарори Ҳукумати Ҷумҳурии Тоҷикистон аз 7 апрели соли 1999 № 131 "Дар бораи тасдиқ намудани Низомномаҳо вобаста ба танзими давлатии истеҳсолу муомилоти спирти этили ва машрубот" тасдиқ шудааст;

7) Дастурамали тартиб додани литсензияҳо барои воридоту содирот ва фурӯши яклухти маҳсулоти тамоку, ки бо қарори Ҳукумати Ҷумҳурии Тоҷикистон аз 27 октябри соли 1999 № 453 "Дар бораи маҷмӯи тадбирҳои давлатии танзими воридоту содирот ва фурӯши яклухти маҳсулоти тамоку" тасдиқ шудааст;

8) Қарори Ҳукумати Ҷумҳурии Тоҷикистон аз 4 майи соли 2000 № 200 "Дар бораи тасдиқи Низомномаи литсензиякунонии фаъолияти корхонаю муассисаҳо ва ташкилотҳо оид ба иҷрои корҳои вобаста ба истифодаи маълумоти дорои сирри давлати, фароҳам овардани воситаҳои ҳифзи иттилоот, инчунин татбиқи чорабиниҳо ва (ё) хизматрасони доир ба ҳифзи сирри давлати";

9) Тартиби додани литсензия барои анҷом додани фаъолияти аудитори, ки бо қарори Ҳукумати Ҷумҳурии Тоҷикистон аз 19 июни соли 2000 № 259 "Дар бораи тасдиқи Тартиби гузаронидани аттестатсия ҳуқуқи анҷом додани фаъолияти аудитори ва Тартиби додани литсензия барои фаъолияти аудитории" тасдиқ карда шудааст;

10) Қарори Ҳукумати Ҷумҳурии Тоҷикистон аз 9 ноябри соли 2000 № 465 "Дар бораи тасдиқ намудани Низомномаи тартиби додани литсензия дар соҳаи муомилоти қонунии воситаҳои нашъадор, моддаҳои психотропи ва прекурсорҳо";

11) Низомномаи литсензиякунонии фаъолияти нақлиёт дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 11 июни соли 2001 № 252 "Дар бораи инспексияи нақлиёти назди Вазорати нақлиёти Ҷумҳурии Тоҷикистон" тасдиқ шудааст;

12) Қарори Ҳукумати Ҷумҳурии Тоҷикистон аз 30 декабри соли 2001 № 591 "Дар бораи тартиби литсензикунонии фаъолият ва хизматрасони дар соҳаи энергетикаи Ҷумҳурии Тоҷикистон";

13) Низомномаи тартиби иҷозатномадиҳии (литсензиякунонии) фаъолияти фарматсевти дар Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 5 июни соли 2002 № 245 "Дар бораи тасдиқ намудани Низомномаи тартиби иҷозатномадиҳии (литсензиякунонии) фаъолияти фарматсевти дар Ҷумҳурии Тоҷикистон, Тартиби воридот ва содироти маводи дорувори ва молҳои тибби дар Ҷумҳурии Тоҷикистон" тасдиқ шудааст;

14) Қарори Ҳукумати Ҷумҳурии Тоҷикистон аз 31 марти соли 2003 № 139 "Дар бораи додани литсензия ба шаклҳои алоҳидаи фаъолият дар комплекси саноатии Ҷумҳурии Тоҷикистон";

15) Тартиби литсензиякунонии навъҳои ҷудогонаи фаъолият оид ба истеҳсол, истифода ва гардиши металлҳои қиматбаҳо ва сангҳои қиматбаҳо аз ҷониби шахсони ҳуқуқи ва воқеи, ки бо қарори Ҳукумати Ҷумҳурии Тоҷикистон аз 31 марти соли 2003 № 145 "Дар бораи тасдиқ намудани Тартиби иёр гирифтан ва тамға задани маснуоти аз металлҳои кимматбаҳо сохташуда, Тартиби литсензиякунонии навъҳои ҷудогонаи фаъолият оид ба истеҳсол, истифода ва гардиши металлҳои қиматбаҳо ва сангҳои қиматбаҳо аз ҷониби шахсони ҳуқуқи ва воқеи ва Феҳристи муваққатии корҳое, ки аз онҳо ҳаққи иёр (пардохти иёр) рӯёнда мешаванд" тасдиқ шудааст;

16) Қарори Ҳукумати Ҷумҳурии Тоҷикистон аз 6 июни соли 2003 № 252 "Дар бораи тасдиқи Тартиби додани иҷозатнома (литсензия) барои фаъолият дар соҳаи муомилот бо партовҳои хатарнок";

17) Қарори Ҳукумати Ҷумҳурии Тоҷикистон аз 3 июли соли 2003 № 300 "Дар бораи тасдиқи Тартиби иҷозатномадиҳи (литсензиядиҳи) барои фаъолият дар соҳаи экспертизаи экологи".

4. Қарорҳои зерини Ҳукумати Ҷумҳурии Тоҷикистон дар қисмате, ки ба Низомнома дар бораи хусусиятҳои иҷозатномадиҳи ба баъзе намудҳои фаъолият мухолифат надоранд, амал мекунанд:

1) Қарори Ҳукумати Ҷумҳурии Тоҷикистон аз 4 марти соли 2002 № 92 "Дар бораи тартиби литсензиядиҳи барои истифодаи қаъри замини Ҷумҳурии Тоҷикистон";

2) Қарори Ҳукумати Ҷумҳурии Тоҷикистон аз 5 феврали соли 2003 № 54 "Дар бораи тартиби гузаронидани аттестатсия, аккредитатсия ва литсензиядиҳии муассисаҳои таълимии Ҷумҳурии Тоҷикистон".

5. Вазорату идораҳои Ҷумҳурии Тоҷикистон:

1) Дар мӯҳлати се моҳ оид ба мутобиқ намудани санадҳои дахлдори соҳавии меъёрии ҳуқуқии Ҷумҳурии Тоҷикистон ба Қонуни Ҷумҳурии Тоҷикистон "Дар бораи иҷозатномадиҳи ба баъзе намудҳои фаъолият" ва Низомнома дар бораи хусусиятҳои иҷозатномадиҳи ба баъзе намудҳои фаъолият таклифҳо пешниҳод намоянд;

2) Санадҳои меъёрии ҳуқуқии идоравии худро ба Қонун ва Низомномаи зикргардида мутобиқ гардонанд.