Бо қарори Ҳукумати ҶТ аз 29.10.2015 № 617 аз эътибор соқит дониста шуд.

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тайёрӣ ва гузаронидани барӯйхатгирии аҳолии Ҷумҳурии Тоҷикистон дар соли 2010

Мутобиқи Қонуни Ҷумҳурии Тоҷикистон "Дар бораи барӯйхатгирии аҳолӣ" ва бо мақсади ба даст овардани маълумот оид ба шумораи аҳолӣ, ҷойгиршавиии он дар қаламрави Ҷумҳурии Тоҷикистон ва барои муайян намудани дурнамои рушди иҷтимоию иқтисодӣ, ҷараёнҳои демографи Ҳукумати Ҷумҳурии Тоҷикистон қарор мекунад:

1. Дар соли 2010 дар қаламрави Ҷумҳурии Тоҷикистон барӯйхатгирии аҳоли гузаронида шавад.

2. Ташкили тайёри, гузаронидан, ҷамъбаст, такмил ва нашри натиҷаҳои барӯйхатгирии аҳоли ба зиммаи Кумитаи давлатии омори Ҷумҳурии Тоҷикистон вогузор карда шавад.

3. Бо мақсади ташкил ва гузаронидани барӯйхатгирии аҳоли дар соли 2010 ба Кумитаи давлатии омори Ҷумҳурии Тоҷикистон иҷозат дода шавад, ки ба таври шартномави кормандонро ба:

- ба Дастгоҳи марказии Кумитаи давлатии омори Ҷумҳурии Тоҷикистон 7 воҳиди кории иловагӣ, аз ҷумла 1 воҳиди корӣ - муовини Раиси Кумитаи давлатии омори Ҷумҳурии Тоҷикистон ва барои мақомоти омори минтақаҳо 15 воҳиди кории иловагӣ ба тариқи шартномавӣ аз 1 апрели соли 2008 то 31 декабри соли 2012 ҷудо карда шавад (қарори Ҳукумати ҶТ аз 5.03.2008с. № 122).

- кумитаҳои омори Вилояти Мухтори Кӯҳистони Бадахшон, вилоятҳо ва шаҳри Душанбе 17 воҳид аз 1 январи соли 2007 то 31 декабри соли 2011;

- шӯъбаҳои омори шаҳру ноҳияҳое, ки зиёда аз 100 ҳазор нафар аҳоли доранд 34 воҳид аз 1 январи соли 2007 то 31 декабри соли 2010 ҷалб намояд.

Хароҷоти нигоҳдории шумораи мазкури кормандон аз ҳисоби маблағҳои барои барӯйхатгирии аҳоли ҷудогардида пардохт карда шавад.

4. Вазорати молияи Ҷумҳурии Тоҷикистон дар асоси пешниҳоди Кумитаи давлатии омори Ҷумҳурии Тоҷикистон ҳар сол дар Буҷети давлати дар солҳои 2006-2012 барои тайёри, гузаронидан ва ҷамъбаст кардани натиҷаҳои барӯйхатгирии аҳоли ба таври мақсаднок маблағҳои заруриро пешбини намояд.

5. Бо мақсади босифат ва сари вақт гузаронидани чорабинии сиёсии мазкур вазоратҳо, идораҳо, мақомоти иҷроияи маҳаллии ҳокимияти давлати ба мақомоти маҳаллии омор ҳаматарафа ёрии амали расонанд.

6. Кумитаи давлатии омори Ҷумҳурии Тоҷикистон Дастурамали тартиби гузаронидани барӯйхатгирии аҳолии Ҷумҳурии Тоҷикистон дар соли 2010-ро таҳия ва тасдиқ намояд.

7. Хориҷ карда шуд (қарори Ҳукумати ҶТ аз 30.06.2007с. № 374).

"Шӯъбаи барӯйхатгирии аҳоли".

8. Беэътибор дониста шаванд:

- қарори Ҳукумати Ҷумҳурии Тоҷикистон аз 28 августи соли 1995 № 545 "Дар бораи дар соли 1999 гузаронидани барӯйхатгирии аҳолии Ҷумҳурии Тоҷикистон";

- қарори Ҳукумати Ҷумҳурии Тоҷикистон аз 3 сентябри соли 1996 № 394 "Дар хусуси ворид намудани иловаҳо ба қарори Ҳукумати Ҷумҳурии Тоҷикистон аз 28 августи соли 1996 № 545 "Дар бораи дар соли 1999 гузаронидани барӯйхатгирии аҳолии Ҷумҳурии Тоҷикистон".