Бо қарори Ҳукумати ҶТ аз 28.12.2006с. № 605 беэътибор дониста шуд

ҲУКУМАТИ ҶУМҲУРИИ ТОҶИКИСТОН

ҚАРОР

Масъалаҳои Вазорати энергетикаи Ҷумҳурии Тоҷикистон

Ҷиҳати иҷрои Фармони Президенти Ҷумҳурии Тоҷикистон аз 18 январи соли 2003 № 964 "Дар бораи баъзе тағйиротҳо дар системаи идораи давлатӣ" Ҳукумати Ҷумҳурии Тоҷикистон қарор мекунад:

1. Пешниҳоди Вазорати энергетикаи Ҷумҳурии Тоҷикистон оиди таъсиси Маркази рушди соҳаҳои нафтугаз ва ангишти Вазорати энергетикаи Ҷумҳурии Тоҷикистон дар шакли муассиса аз ҳисоби маблағгузаронии корхонаҳои соҳаҳои нафтугаз ва ангишт маъқул дониста шавад.

2. Вазорати энергетикаи Ҷумҳурии Тоҷикистон бо тартиби муқарраршуда Оинномаи Маркази рушди соҳаҳои нафтугаз ва ангишти Вазорати энергетикаи Ҷумҳурии Тоҷикистонро тасдиқ намояд.

3. Нақшаи идораи (мақомоти тобеъ) Вазорати энергетикаи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 29 декабри соли 2000 № 484 "Дар бораи Вазорати энергетикаи Ҷумҳурии Тоҷикистон" тасдиқ шудааст, бо банди дорои мазмуни зайл пурра карда шавад:

"3. Маркази рушди соҳаҳои нафтугаз ва ангишти Вазорати энергетикаи Ҷумҳурии Тоҷикистон".

4. Ба Низомномаи Вазорати энергетикаи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 29 декабри соли 2000 № 484 "Дар бораи Вазорати энергетикаи Ҷумҳурии Тоҷикистон" тасдиқ шудааст, тағйироту иловаҳои зайл ворид карда шаванд:

Банди 8 бо сархатҳои нӯҳ ва даҳи дорои мазмунн зайл пурра карда шавад:

"ба вазифа таъин ва аз вазифа озод намудани роҳбарони корхонаҳои давлатии соҳаи нафтугаз ва ангишт";

"тасдиқи оинномаҳои корхонаҳои давлатии соҳаи нафтугаз ва ангишт".

Дар Сохтори дастгоҳи марказии Вазорати энергетикаи Ҷумҳурии Тоҷикистон, ки бо қарорри Ҳукумати Ҷумҳурии Тоҷикистон аз 29 декабри соли 2000 № 484 "Дар бораи Вазорати энергетикаи Чумҳурии Тоҷикистон" тасдиқ шудааст, калимаҳои "Департаменти истихроҷи нафтугаз" ва "Департаменти саноати ангишт ва намудҳои ғайрианъанавии энергия" ба калимаҳои "Департаменти истихроҷи нафт, газ ва ангишт" иваз карда шаванд.

5. Номгӯи корхонаҳои давлатӣ ва ҷамъиятҳои саҳомии дар соҳаи энергетика бо шарти созишномаи дутарафа бо Вазорати энергетикаи Ҷумҳурии Тоҷикистон фаъолияткунанда, ки пакети назоратии саҳмияҳояшон ба давлат тааллуқ доранд ва бо қарори Ҳукумати Ҷумҳурии Тоҷикистон аз 29 декабри соли 2000 № 484 "Дар бораи Вазорати энергетикаи Ҷумҳурии Точнкистон" тасдиқ шудааст, бо бандҳои дорои мазмуни зайл пурра карда шавад:

"5. Корхонаи нафтугазистеҳсолкунандаи ҷануб

6. Корхонаи тадқиқи геофизикӣ

7. Ҷамъияти саҳомии шакли кушоди "Технотранс"

8. Корхонаи сохтмону васли №1

9. Корхонаи пармакунии ҷануб

10. Муассисаи пешгирӣ ва рафъи фаввораҳои нафтугаз

11. Корхонаи таъмини моддию техникӣ ва соҳибкорӣ

12. Корхонаи "Суғднафтугаз"

13. Корхонаи манзилию коммуналӣ

14. Ҷамъияти саҳомии шакли кушоди "Ангишт"

15. Шахтаи "Фон-Яғноб"

16. Кони "Зиддӣ"

17. Кони "Назар-Айлоқ"

18. Кони "Сайёд"

19. Кони "Ҳакимӣ"

20. Кони "Миенаду"

21. Кони "Шӯрообод"

22. Кони "Тошқӯтан"

23. Кони "Равнов"

24. Кони "Саймирӣ"

25. Кони "Моғиён"

26. Кони "Кштут Зауран"

27. Кони "Uузн"

28. Кони "Кӯҳи Малик"

29. Кони "Суфа"