Бо қарори Ҳукумати ҶТ аз 3.03.2011с. № 115 аз эътибор соқит дониста шуд

Ҳукумати Ҷумҳурии Тоҷикистон

ҚАРОР

Оид ба ворид намудани тағйироту иловаҳо ба сохтори дастгоҳи Раиси шаҳри Душанбе

Мутобиқи моддаи 32 Қонуни конститутсионии Ҷумҳурии Тоҷикистон "Дар бораи ҳокимияти давлатӣ дар маҳалҳо" ва пешниҳоди Раиси шаҳри Душанбе Ҳукумати Ҷумҳурии Тоҷикистон қарор мекунад:

1. Ба сохтори дастгоҳи Раиси шаҳри Душанбе, ки бо қарори Ҳукумати Ҷумҳурии Тоҷикистон аз 27 июли соли 2000 № 328 "Дар бораи сохтор ва шумораи кормандони дастгоҳи Раиси шаҳри Душанбе" тасдиқ гардидааст, тағйироту иловағои зайл ворид карда шавад:

дар сархати шашум калимаҳои "Бахши назорат ва ахборот" ба калимаҳои "Шӯъбаи назорат" иваз карда шаванд; баъд аз сархати ҳаштум сархати нави дорои мазмуни зайл илова карда шавад: "а) бахши кор бо кадрҳо".

2. Тағйирот дар доираи шумораи умумии кормандони ҳукумати шаҳри Душанбе, ки бо қарори Ҳукумати Ҷумҳурии Тоҷикистон аз 31 декабри соли 2002 № 512 "Дар бораи лимити шумораи умумии кормандони мақомоти ҳокимияти иҷроия дар маҳалҳо (ҳукуматҳо) дар соли 2003" тасдиқ шудааст, анҷом дода шавад.