Бо Қарори Ҳукумати ҶТ аз 4.07.2006с. № 308 бе эътибор дониста шуд.

ҲУКУМАТИ ҶУМҲУРИИ ТОҶИКИСТОН

ҚАРОР

Дар бораи тасдиқи Қоидаҳои ҳисоби музди миёнаи меҳнат барои пардохти рухсатиҳои меҳнати, кӯмакпулӣ барои корношоямии муваққатӣ ва дигар ҳолатҳое, ки ба пардохти музди миёнаи меҳнат алоқаманданд

Ҷиҳати иҷрои Фармони Президенти Ҷумҳурии Тоҷикистон аз 4 ноябри соли 2004 № 1403 "Дар бораи тадбирҳои тақвият додани сатҳи ҳифзи иҷтимоии аҳоли ва зиёд намудани музди меҳнати ҳадди ақал, маоши амалкунандаи вазифавии кормандони муассисаю ташкилотҳои буҷети, нафақа ва стипендия", Ҳукумати Ҷумҳурии Тоҷикистон қарор мекунад:

1. Қоидаҳои замимагардидаи ҳисоби музди миёнан меҳнат барои пардохти рухсатиҳои меҳнати, кӯмакпули барои корношоямии муваққати ва дигар ҳолатҳое, ки ба пардохти музди миёнаи меҳнат алоқаманданд, тасдиқ карда шуда, аз 1 январи соли 2005 мавриди амал қарор дода шавад.

2. Беэътибор дониста шаванд:

- банди 4 қарори Ҳукумати Ҷумҳурии Тоҷикистон аз 31 декабри соли 2002 № 500 "Дар бораи тадбирҳои татбиқи Фармони Президенти Ҷумҳурии Тоҷикистон аз 25 октябри соли 2002 № 930";

- қарори Ҳукумати Ҷумҳурии Тоҷикистон аз 3 июли соли 2003 № 308 "Дар бораи ворид намудани тағйирот ба қарори Ҳукумати Ҷумҳурии Тоҷикистон аз 31 декабри соли 2002 № 500 "Дар бораи тадбирҳои татбиқи Фармони Президенти Ҷумҳурии Тоҷикистон аз 25 октябри соли 2002 № 930".