Ҳукумати Ҷумҳурии Тоҷикистон

ҚАРОР

Дар бораи тасдиқи Қоидаҳои истифодабарии фазои ҳавоии Ҷумҳурии Тоҷикистон

Мутобиқи моддаи 4 Кодекси фазои ҳавоии Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Қоидаҳои замимагардидаи истифодабарии фазои ҳавоии Ҷумҳурии Тоҷикистон тасдиқ карда шавад.

2. Мақомоти идораи давлатӣ санадҳои меъёрию ҳуқуқии худро, ки дар соҳаи истифодабарии фазои ҳавоӣ муносибатро танзим мекунанд, бо қарори мазкур мутобиқ созанд.

3. Қарори Ҳукумати Ҷумҳурии Тоҷикистон аз 3 феврали соли 2000 № 32 "Дар бораи тасдиқи Низомномаи истифодабарии фазои ҳавоии Ҷумҳурии Тоҷикистон" беэътибор дониста шавад.