ҚОНУНИ ҶУМҲУРИИ ТОҶИКИСТОН

"ДАР БОРАИ БУҶЕТИ ДАВЛАТИИ ҶУМҲУРИИ ТОҶИКИСТОН БАРОИ СОЛИ 2005"

Моддаи 1. Буҷети давлатии Ҷумҳурии Тоҷикистон барои соли 2005 аз рӯи даромад ба маблағи 1256000 ҳазор сомонӣ ва аз рӯи хароҷот ба маблағи 1291000 ҳазор сомонӣ бо барзиёдии хароҷот нисбат ба даромад ба маблағи 35000 ҳазор сомонӣ тасдиқ карда шавад.

Андозаи ниҳоии касри Буҷети давлатӣ барои соли 2005 ба маблағи 35000 ҳазор сомонӣ ё 0,5 фоизи Маҷмӯи Маҳсулоти Дохили муқаррар карда шавад. Манбаи пӯшонидани касри буҷет ба таври зайл муайян карда шавад:

даромад аз хусусигардонии моликияти давлатӣ - 10000 ҳазор сомонӣ;

даромад аз фурчши векселҳои хазинадорӣ - 3000 ҳазор сомонӣ;

аз ҳисоби депозитҳои буҷети ҷумҳуриявӣ

дар Бонки миллии Тоҷикистон ба 1 январи

соли 2005 - 22000 ҳазор сомони;

Нишондиҳандаи васеи касри буҷет бо назардошти маблағгузории берунии Барномаи сармоягузории давлатӣ барои соли 2005 ба маблағи 319295 ҳазор сомони ё 4,5 фоизи Маҷмӯи Маҳсулоти Дохилӣ муқаррар карда шавад.

Маблағгузории пардохти қарзи асосии берунии Ҷумҳурии Тоҷикистон дар ҳаҷми 91369 ҳазор сомони аз ҳисоби қарзҳои Бонки умумиҷаҳонӣ, Бонки рушди Осиё, гранти Иттиҳоди Аврупо ва депозитҳои буҷети ҷумҳуриявӣ дар Бонки миллии Тоҷикистон ба 1 январи соли 2005 муайян карда шавад.

Моддаи 2. Буҷети ҷумҳуриявӣ барои соли 2005 аз рӯи даромад ба маблағи 822928 ҳазор сомонӣ ва аз рӯи хароҷот ба маблағи 857928 ҳазор сомонӣ ва каср ба маблағи 35000 ҳазор сомонӣ тасдиқ карда шавад.

Моддаи 3. Буҷети Фонди ҳифзи иҷтимоии аҳолии Ҷумҳурии Тоҷикистон барои соли 2005 аз рчи даромад ва хароҷот ба маблағи 205000 ҳазор сомони тасдиқ карда шавад.

Моддаи 4. Муқаррар карда шавад, ки дар соли 2005 ба буҷети ҷумҳурияви андоз ва даромадҳои ғайриандозии зерин ворид карда мешаванд:

- андоз аз фуруш - 100 фоиз;