Ҳукумати Ҷумҳурии Тоҷикистон

ҚАРОР

Дар бораи тасдиқи Барномаи рушди илмҳои дақиқ дар Ҷумҳурии Тоҷикисон дар давраи солҳои 2005-2008

Бо мақсади дастгирӣ ва рушди тадқиқот дар соҳаи илмҳои дақиқ, таҳкими пойгоҳи моддию техникӣ барои гузаронидани таҳқиқоти озмоишӣ, муҳайё кардани шароити мусоид барои тарбияи кадрҳои илмӣ ва вусъат бахшидани ҳамкориҳои байналмилалии илмӣ Ҳукумати Ҷумҳурии Тоҷикистон қарор мекунад:

1. Барномаи замимагардидаи рушди илмҳои дақиқ дар Ҷумҳурии Тоҷикистон дар давраи солҳои 2005-2008 тасдиқ карда шавад.

2. Академияи илмҳои Ҷумҳурии Тоҷикистон, Вазорати маорифи Ҷумҳурии Тоҷикистон, Донишгоҳи давлатии миллии Тоҷикистон ва дигар вазорату муассисаҳои дахлдор оид ба татбиқи Барномаи мазкур тадбирҳои зарурӣ андешанд.

3. Барномаи мазкур дар доираи маблағҳое, ки ҳар сол дар буҷет барои илм пешбинӣ мешаванд, амалӣ карда мешавад.