Ҳукумати Ҷумҳурии Тоҷикистон

ҚАРОР

Дар бораи ворид намудани тағйироту иловаҳо ба қарори Ҳукумати Ҷумҳурии Тоҷикистон аз 5 сентябри соли 1996 № 414

Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 5 сентябри соли 1996 № 414 "Дар бораи ҷорӣ намудани Паспорти шаҳрванди Ҷумҳурии Тоҷикистон" тағйироту иловаҳои зерин ворид карда шаванд:

1. Дарбанди 2:

дар сархати аввал калимаҳои "панҷсол" бо калимахои "ҳафт сол" ва калимаҳои "1 сентябри соли 2001" бо калимаҳои "31 декабри соли 2003" иваз карда шаванд;

дар сархати дуюм калимаҳои "то 1 сентябри соли 2001" бо калимаҳои "то 31 декабри соли 2003" иваз карда шаванд;

2. Дар банди 6 баъд аз калимаҳои "аз 8 феврали соли 1994 баимзорасида" калимаҳои "ва инчунин ҷадвали пардохти ҳар сол тасдиқшаванда" илова карда шаванд.

3. Дар банди 7 калимаи "Азимов А.Р." ба калимаи "Зуҳуров С." иваз карда шавад.

4. Банди 8 бо мазмуни зайл илова карда шавад:

"8. Вазорати корҳои хориҷии Ҷумҳурии Тоҷикистон мувофиқи тартиби муқарраршуда давлатҳои аъзои Иттиҳоди Давлатҳои Мустақилро дар бораи қабули қарори мазкур огоҳ намояд".